لزمة علينه المشرعه|ملا علي الوائلي وملا مسلم الوائلي هيئة313 محرم 1444 هجري
📜قصيدة : لزمة علينه المشرعه
🎤الرادود : مسلم الوائلي وعلي الوائلي
🖋الشاعر : رائد الناشي
~
لزمة علينه المشرعه الخياله
وين ابن ابوي المايحل شكاله
~~
وين المحزم للحرب من زغره
وين اللي ما توگف ازلام بصدره
وين المراوي الزلم عين الحمره
تتراجف حيود الملا من خياله
~~~
حيهم يالمجنه بزعيم الحومه
ولو صاح واغصب ماتلمه هدومه
گالو عليك المشرعه ملزومه
والعسكر متانيك ياجتاله
~~~
سبعين لو سبعين زود وياها
تتونس وماتهتم بملگاها
عباس بيك علازلم نتباها
شما كثر عد الجيش موش بحاله
~~~
شد يبن ابوي ورايتك هد بيها
والواقعه بجرف النهر سويها
وديها للكوفه وزحف رد بيها
يربات ابوي الما رجل بدنياله
~~~
راويها موت الگاظ بلمسنايه
خل روحه تطلع من يشوفك جايه
وتوسط العسكر ودگ الثايه
شد حيلك وذب يمنته اعلى شماله
~~~
بيت الرمح بصدورهم ياوفاي
واترس جربتك روس لاتترس ماي
طب ليها وطبگ هاي عباس بهاي
بجي الزلم والجيش شل احواله
~~~
ماعدنه غيرك يافحل نشگيله
يل ماتغمض عينك علا العيله
عباس يمك راح اذب الشيله
ماترهم المثلك عطاشه عياله
~~~
من سمع زينب تبجي وتنخت بيه
زمجر ودخن والدرع ضاگ عليه
گام وتروط الگاع لو حط رجليه
والمهر نوخ بيه وما كفاله
~~~
وعيونج اعلى الشاطي اصفنها صفوف
واصرخ واطير روسهم حد الشوف
للكوفه اوصلها ورد بيها زحوف
ويبين البيه زود من افعاله
~~~
ضهضب وحط الساجيه اعلى متونه
واغضب وتتجادح شرار عيونه
واحد وگام العسكر يشوفنه
والجيش ملك الموت يرتواله
°°°°°°°°°°°°°°°°°°°°°°°°°°°°°°°°°°°°°°°
لزمة علينه المشرعه| ملا مسلم الوائلي ملا علي الوائلي الشاعر رائد الناشي هيئة 313الحسينيه عزاء الناصريه المركزي محرم 1444
تعليقات
إرسال تعليق