لسان حال السيده الزهراء للامام الحسن
انه امك يلحسن .... ضلعي مرتين انطعن
مره بالباب انكسر .... ومره من سابع صفر
ضلعي مرتين انطعن
............................................
عاود التاريخ نفسه ابلاهواده
والضلاله اتصب حقدهه اعله العباده
امس باب النايبه يدلي بشهاده
عن مصابي وعصرتي اباب السياده
اليوم بعيوني شفت ..... يبني جبدك بالطشت
يشكي اهات وقهر ... ومره من سابع صفر
ضلعي مرتين انطعن
..............................................
طشتك وبابي ادله اعله الجريمه
تنطق حروف المواجع والظليمه
اليعادينه يكون الله خصيمه
وبالحساب يواجه التهمه العظيمه
الحارب العتره بحقد .....ابيا عذر مقنع يرد
عن ضلع دامي انعصر .... ومره من سابع صفر
ضلعي مرتين انطعن
......................................................
الكل سمع طه النبي من صوته ردد
اللي ياذي الطاهره ياذي محمد
واعله جدك بعده دمعي يجري عالخد
والسقيفه اعلينه صبت نار تشتد
اتحالفو ضد عترته .... ومارعو كل حرمته
ابابي تنطق هالصور ...ومره من سابع صفر
ضلعي مرتين انطعن
......................................................
اني امس واليوم انت وباجر انشوف
حسين اخوك اعله الوطيه اتوذره السيوف
وعالرمح راس الغريب بكربله يطوف
من بعد جرح الكفيل وكطع الجفوف
والعقيله الطاهره .... ابلايه والي اميسره
مره تنعه اعله النحر .... ومره من سابع صفر
ظلعي مرتين انطعن
...............................................
بغضا بحيدر تعيش الشيعه نارين
وينذبح كلمن يسير بنهج الحسين
واليزور حسين واجب ينطي جفين
مثل ماضحه الكفيل براسه والعين
اليحب حيدر علي ..... بالمصايب يبتلي
ايعاني من جور الدهر .... ومره من سابع صفر
ضلعي مرتين انطعن
تعليقات
إرسال تعليق