اليوم انگل الزاير والخدام هناه
الحسين اليمشي بدربك ماتوصل الجدامه النار
تراب الگاع يريد يزورك ﭼلب بهدوم الزوار
اليحـﭼـي اعلينه شلون انزورك ماعنده المثلك ينزار
شما نتعب الحسين وزينب بيده يعبرنه الكرار
وهاي الفزعه الشيعيه حفاي تلاجي العلويه
اشهد ضعن اختك نلطم نتلگاه
شما نخدم بالموكب نحسب نخدم بالفردوس
ناس تأجر الخادم واحنه لخدمك نطي فلوس
احنه من نوزع ماي اعليكم وجفوف العباس الطوس
الزاد اشويه اعليكم ودنه انعزبلكم بالروس
الشايب ذب الخاﭼـيه ﭼـراوي مسوي الـﭼفيه
يگول الزاير يومك نترياه
الزاير روحه تفرفح لو شاف الگبه من بعيد
العاشگ دربك مايتعطل لو ملتف اعليه عربيد
الشيعه الطف لو يرجع ما خلينه حسين اوحيد
حسين بدربك حته الشايب ما يگدر بس يمشي ايريد
وشايب بيده العوﭼـيه وممشاه كله شويه شويه
احنه شما نتعب كلنه شويه ونوصل ليه
احنه متانين الزاير عاشگ ومتاني المحبوب
اعرض واتلگه الزاير ماخليته يدگ بالبوب
احنه تواعدنه وياه يوسف ومواعد يعگوب
بكيفك طب وتخير موكب يم موكب منصوب
ندور زاير يوميه مثل الضاعت منه بنيه
يا مشاي هناه اگعد واتربع
ايام حسين بدمع يخلصن بين الزاير والخدام
احنه النتشرف بسم الخادم اي والراحت لارض للشام
حسين اليمشي ايزورك بن عيوني افرشله من ينام
احنه محضرين الموكب نترياكم من العام
نخدم بالحر والظهريه حسين امغطينه بفيه
احنه شما نخدم گلنه شويه الخدمه وياه
ام عون ام عون ايام وتوصل هم جدامك يالمشاي
اندب عباس وهل دموعك ياهو بضعن اختك حداي
يمر بالتل ويمر بجفوفك ظل الزاير رايح جاي
الزهره تباري الزاير وام الكافل تنطيه ماي
ام العباس البدويه من تعطش تنطيك اميه
اسمع يالزاير تعبك ماتنساه
اداء وكلمات الشاعر والمهوال
كريم الحاتمي
اداء وكلمات الشاعر والمهوال
فايز البدري
تعليقات
إرسال تعليق