قصيدة تكوم لو لا
ها حسين بكلبي جلمه وراده
وحك عينك خويه اجيتك شارده
تكوم لو لا ..فدوه بس جزي بناتي تكوم لولا
لامه الدنيه بعباتي تكوم لولا
صح انت طايح ودري مهظوم
بس انه اجيت ولازم تكوم
مثلوم كلبي وجبده مثلوم
لاشفتك ولا شايفه النوم
تكوم لو لا..شوف كضولي الثنيه تكوم لو لا
خذو من عندي رقيه ..تكوم لو لا..
خويه جاه يطيك كلبك غافي
عاد كللهم خطيه وكافي
ماعرفناه حسين موش حسين روحي ماعرفنا
كلبيناه ما كو شي ماساحكينه كلبيناه
كون اكدر احجيلج عليه
وشكاعد يسون بيه
شما صير زين وهدو الخيل
يسحكوني ومجتفين اديه
مالكيناه شكثر دورنه عله جسمك مالكيناه
تعبيناه كامو يصيحون كلهم تعبيناه
صدك صارت بعد مانتلاكه
شوف زينب راكضه ومشتاكه
علي وياه موش بس حسين ذبحو علي وياه
طشريناه زينب تلم هم صاحو طشريناه
كلشي البالك خويه سووه
حتى مهد عبدالله حركوه
كل ما طفل يشتاك لحسين
جابوله راسك خويه راووه
حضريناه سوك كامل للعلاوي حضريناه
غاد وهنا هوه نفس الظيم زينب غاد وهنا
حجي يتعب بس اريد احجيهه
عمامتك شفت الدمه غاطيهه
زينب احاه ميت وصاح ابو فاضل زينب احاه
كتله ويلاه وين عينك وين جفك كتله ويلاه
يابو العيون الواسعه هواي
جدامهم بس اوكف وياي
الماطالعات ابابهن شوف
نسوان هاشم كلهه حفاي
عاتبيناه تدري خويه انت النحبه عاتبيناه
موتي هنا شلي بل شام انه اريدن موتي هنا
خويه وصلو فتش اعويناتك
لابدات بسدك ابنياتك
تكوم لو لا ادري تعبتك يجبدي تكوم لو لا
لجن غيرك ياهو عندي تكوم لو لا
مابيه اكوم وداعت ام عون
بس وخري عنهم خل يسحكون
در بالج عله عيون الحسين
يارايحه وياه عميه العيون
واحسيناه رايحه وضليت اثغب واحسيناه
مات عفناه عدل بس من كتله اروحن مات عفناه
علي مالك الموسوي
خادم زينب
تعليقات
إرسال تعليق