📜 قصيدة :- حضني نكع من دمك .
✍ كلمات :- الشاعر عزيز الفيصلي .🎤 أداء :- الرادود محمد الجنامي .
🍀◾️🍀◾️🍀◾️🍀◾️
حضني نكع من دمك ... يبني وشكل الأمك
كل ظنها من ماي العذاب رويتك
ما تدري مذبوح ابسهم رديتك
يبني وشكل الأمك ... يبني وشكل الأمك
🍀◾️🍀◾️🍀◾️🍀◾️
يا بويه بمصابك حرت والسهم شل الساني
أمك و عمتك و الحرم بالخيم كلها أتاني
حسبالهن ماي اشربت من جبتك العدواني
يوليدي وين اخفي السهم لو سكنه تتلكاني
و السهم بس يتحرك ... يا بويه يكطع نحرك
من عين أمك لو يصحلي أخفيتك
ما تدري مذبوح ابسهم رديتك
يبني وشكل الأمك ... بيني وشكل الأمك
🍀◾️🍀◾️🍀◾️🍀◾️
سهم المصوب منحرك نابت يبويه ابگلبي
وبعيني ماشوف الخيم ضيعت حرثة دربي
يبني وخواتك تنتظر و اعيون عمتك تربي
يا ذنب من عندك سده لو صوبوك ابذنبي
ليش ابسهم يرمونك ... ومن دمك ايشربونك
يبني من أمك للمنيه اخذيتك
ما تدري مذبوح ابسهم رديتك
يبني وشكل الأمك ... بيني وشكل الأمك
🍀◾️🍀◾️🍀◾️🍀◾️
يبني كلت بلجي العده بكماطك ايشوفونك
لابد گلبهم ينكسر وابمايهم يرونك
ما جنت أدري بالسهم نيتهم ايذبحونك
يوليدي و ايدال العذب من دمك ايشربونك
صابوا بروحك روحي ... اغمك جرح بجروحي
اشلون الخواتك يعني لو راويتك
ما تدري مذبوح ابسهم رديتك
يبني وشكل الأمك ... بيني وشكل الأمك
🍀◾️🍀◾️🍀◾️🍀◾️
لو ادري عفتك بالمهد يوليدي تخلص ضامي ولاشفتك ابعيني السهم كص منحرك جدامي
عين اعله كومي الخلصت وعين اعله حظني الدامي
ظليت وحدي و الحرم لا كافل ولا حامي
وآنه اعله اثرك تدري ... ينكطع مثلك نحري
الأمك أخاف اتموت لو سلميتك
ما تدري مذبوح ابسهم رديتك
بيني وشكل الأمك ... بيني وشكل الأمك
🍀◾️🍀◾️🍀◾️🍀◾️
آنه اعله اثرك انذبح ما باقي شي من عمري
بس الفرق انته ابسهم وانه انذبح من ظهري
روحك ابحظني وفرفرت بس انه اكع من مهري
بكعد على صدري الشمر وابسيفه يكطع نحري
ينعزل من جسمي الراس ... وابحافر الخيل اندرس
ابحال الحرم شيصير لو وصليتك
ما تدري مذبوح ابسهم رديتك
يبني وشكل الأمك ... بيني وشكل الأمك
🍀◾️🍀◾️🍀◾️🍀◾️
يوليدي كسريت السهم واخفيته من عين أمك
وين أخفي دمك لو اجت وابحظني شافت دمك
من حكها أمك يالولد لمن تموت ابهمك
ماي وتبده اعله الأرض بيني وبعد شيلمك
راح اعتني لمصابي ... و اتبع أثر أحبابي
ابصيون عمتك يالولد خليتك
ما تدري مذبوح ابسهم رديتك
بيني وشكل الأمك ... بيني وشكل الأمك
🔺 رابط الإنضمام للقناة
تعليقات
إرسال تعليق