هلا بالشالوا رايه .. هلا روج المشايه
حيهم رفعة راس
هلا بزماط الساده .. هلا خيط من اعناده
وزماط العباس
من يوصل وكت الممشه لا يحجي الرايد حرشه
ماننطي اذن الطرشه .. نكسر راسه اعناد
نعرفهم ذوله شبيهم زيارتنه تمرض بيهم
من نمشي ندوس اعليهم لو وزعنه الزاد
ماترد من المشي الوفايه
تحرك اكلوب العده المشايه
الله خالقنه اعلمود الرايه
وادم احنه الموتنه شرايه
عمر احنه ويالخدمه .. لزينب ننطي الكلمه
ما نرجع من هاي
مشي من ديرة لديرة .. سوه يم راعي الغيرة
متانينه الوفاي
هلا بالشالوا رايه .. هلا روج المشايه
حيهم رفعة راس
هلا بزماط الساده .. هلا خيط من اعناده
وزماط العباس
المايكدر يوصل لينه .. نتعنه ونسأل وينه
بالموكب ومتانينه .. نسأل شو ماجاي
كل واحد شد احزامه .. والزاير هم اجدامه
موكب ينطر كدامه .. يرحب بالمشاي
ياهلا بكد الهلا التحلالها
طبو المشايه ذوله ارجالها
فرحت الرايه بمتن الشالها
كل مكان الزاير اتعنالها
هلا بولاد الخدمه .. هلا بالمامل جدمه
ما مل الخطوات
جاب الخير عيونه .. شايل الرايه متونه
كاتبها الهيهات
هلا بالشالوا رايه .. هلا روج المشايه
حيهم رفعة راس
هلا بزماط الساده .. هلا خيط من اعناده
وزماط العباس
من يمشي ويلطم بيده .. من الله الحيل يزيده
اليمشي وبجفوفه وليده .. يواسي اطفال حسين
هنياله الماعافهم ..من الموكب وتلكاهم
خادم لو يمشي وياهم .. يضمهم نص العين
الموكب يتاني شوكت زوارة
نوصل ابابه وتعطر اكتارة
الموكب ايصيح هلا بخطارة
معزب وللموت ضلت نارة
هلا بالخير اعلينه .. هلا والله مشرفينه
الجيتكم خدام
وعلي احنه متانيها .. الزوار انباريها
نحسب بالايام
هلا بالشالوا رايه .. هلا روج المشايه
حيهم رفعة راس
هلا بزماط الساده .. هلا خيط من اعناده
وزماط العباس
هلا بالبصرة وكل ديرة .. هلا ذي قار اهل الغيرة
صعبه المنكم تفسيره .. وحي الله بميسان
ميسان نرحب بيها .. بابل تاج نخليها
شمس الله الحب ضاويها .. من جوها الشجعان
ياهلا بغداد وبخطواتها
من النجف زوار اجت بوقاتها
الكت وكت زيارة ابد مافتها
والشمال بردوه اجت نسماتها
هلا كركوك ويانه .. هلا بالكلمن جانه
نتلكا حفاي
هلا ببن الغربيه .. هلا واحنه اعزوبيه
خدام المشاي
هلا بالشالوا رايه .. هلا روج المشايه
حيهم رفعة راس
هلا بزماط الساده .. هلا خيط من اعناده
وزماط العباس
هلا حيهم والله اسماوه .. المجروح اليوم اداوة
المايل بيكم يتساوه .. يربات الشجعان
يعراق شماله اجنوبه .. بكل زاير ماشي ادروبه
هنياله اليغسل ثوبه .. ويفتحها البيبان
من الشمال وللجنوب الجاينه
ياهلا وميه هلا بمشاينه
شرف عدنه اتضوك طيبه جاينه
وبثواب حسين تشرب ماينه
هلا والله بموطنه .. جينه نلتم بي كلنه
زوار العباس
كل واحد سد بيته .. اجه هو وذريته
كلها تزور الناس
هلا بالشالوا رايه .. هلا روج المشايه
حيهم رفعة راس
هلا بزماط الساده .. هلا خيط من اعناده
وزماط العباس
الرادود .. جبار الحريشاوي
الشاعر .. حيدر العماري
تعليقات
إرسال تعليق