قصائد استشهاد الامام السجاد(ع) كلمات مكتوبة محرم١٤٤٥

 

لمولاي زين العابدين روحي فداه

انه الحرگو خيام حسين فوگاي
عليل لوحدي وبس حرم ويّاي
أطفي حجاب هاي يشب ستر هاي
وازحف عالتراب ابين الخيام
..
يالسجاد صاحن نتجه وين
صحت عالهيمه فرن يالنساوين
فوگ اوجوهچن خلنها الايدين
اعليكم لا تصد اعيون ظلام
..
رقيه أختي ما انسه حزنها
اجت مسلوبه ترچية اذنها
تداوي متوني متداوي متنها
كل هذا واذا ونيت انلام
..
كبش ما ينذبح الا يرووه
وابويه من الگفه عطشان ذبحوه
سلبو حته ثوبه وعاري خلوه
داسو وانه الم بچفوفي العظام
..
ولاميت
گضيت اسنيني لا عايش ولاميت
اعله نوحي الناس حاچتني ولامت
الخيل اعله الابو داست ولميت
ضلوعه بچفي يوم الغاضريه

كرار حسين الكربلائي

#اللهم_عجل_لوليك_الفرج

الأمام السجاد ( ع)




***********************************


.        ذكـريـاتـه جـروح بالـطـف والـسـبي
         وشينسّي الـمـنـچـوي ابـنـار الـعـبـي

هذا حاله وهذا وضعه * عمره يخلص دمعه دمعه

                              *---------------*---------------*

ابـتـدت رحـلـة عـذابـه اويـه الـسـبـايـه
وچـانـت الـقـصـه طـويـلـه ابـلا نـهـايـه
عـمّـتـه بـعـينـه نظرهه و صـعبـه هـايـه
تـركـض و نـار الـعـده  بـطـرف الـعبـايه

عاشر اجفونه المخيم والدمع
وصارت اسنينه تشابه للشمع

هيچي عايش چـنـه  شمعه

                              *---------------*---------------*

بـگـلـبـه نـيـران المخيم صـعـبـه تطفــه
وبـمـحرم يجـري دمـعـه ويـبـدي طـفّـه
يـذكــر ايــام الـمـآسـي وذاكـه ضـرفــه
الـعـليـل وهـذا حـالـه شـلـون اوصـفـه

الخلـص بدمعاتـه ايـام الـعـمـر   
الذكرياته احبال وسياط الشمر

الذكره صـعبـه و هم تـوجّـعـه

                              *---------------*---------------*

صـورة  الطـف ابـخـيـالـه و تـجـري عينه
و الاشــد جـرح  الـسـبـي الـهـيّـج حنينـه
اگـبـالـه ويـشـوف الشـمـر يحدي الضعينه
و فـوگ عـلـتـه ونـار حـزنـه  امـچـتـفـيـنه

اتحمل الشمات واحزان وغرب  
والعقيله اگباله وسفه وتنضرب

خصمه  سبهه  و ما يمنعه

                              *---------------*---------------*

حـالتـه بذيچ الصحـاري شحچي عـنـهـه
ايـشـاهـد الروس الغوالي اقـمـار چنـهــه
وعـمـتـه زيـنـب شـاركاهه بكل حـزنـهــه
امـچـتـفينـه ويمشي گـوه وي ضـعـنـهــه

صوره للخيمه نظرهه وللحرگ   
و للمتون اليجرن ادموم وزرگ

الـيِـمـه اخـتـه وعـمتـه  تـنعـه

                              *---------------*---------------*

الـجـامـعـه الحزت رگـبتـه اتقص مصابـه
ورحـلـة الـشـام أوگـفّـتـه بـنـص خـرابــه
خـارجـي ايـگـولـون عـنـه والـلـه جـابـــه
صـبـت عـيـونــه مـثــل صـب السـحـابـه

يسمع السب وجرّوحه اتلچّمن    
وجارن اعليه المصايب والزمن

بكل سـنـه امـحـرم  يفـجـعـه

                              *---------------*---------------*

يـذكـر الـشـام وجـروحه بـكـل مـسـيـه
و مـا يـشـاهـد غـيـر مسلوبه و سـبـيـه
سـاگـنـه  بـروحـه بـقـت لـوعـة  رقـيــه
يـَمـه مـاتـت بالـخـرابـه و طـفـلـه  هيـه

لـلـمـمـات وعـايـش  بنار الالم    
ودمعته لحسين ولراعي العلم

الشاهد  اهله  گباله  صرعَه

                              *---------------*---------------*

✍ بقلم خادم الحسين ع
      الشاعر رعد الچريخي

*******************

تجليبه لاستشهاد الامام السجاد ع

علي السجاد مات الليله بالحـسره
واجت يمه تحضره فاطمه الزهره

قبل ميموت ابو الباقر اجت يمه
بضلع محني الزچـيه فاطمه امه
والسجـاد چـان  اينـازع ابسـمه
بچـبده نـار سمه حيل مستـعره

يصد للزهره عينه والدمع يجري
يكلها جده نار السم غدت تسري
منيتي گربت واني نگضه عمري
وللمـثـلي شيفيده بالشفت عمره

يجده بعيني شفت اهوال ماتنشاف
واذا احجي عليج من هضم ينخاف
شفت حسين من حز راسه السياف
ومثنـي الشمر ساحـگ على صدره

يحـز ابراس ابـوي بعيني شاهدته
وطلعت حافيه تركض يجده اخته
تريـد تخـلص الصارت وذر جـثـته
بلكت ماتـدوسـه الخـيل وتـطشره

لچـن عـنه الشمر ياجـده يدفـعـها
بچعب رمحه النذل كلساه يوگعها
يطگها بسوط جده وحيل يوجعها
حـرمـه عمـتي وماتـگـدر تـنـحـره

وعگب ذبحه يجده وكسرت اعظامه
اجـوا صوب المخـيم حـرگـوا اخيامه
وطـشـت بالبـراي وضاعـت ايتـامه
وتـدور ويـن زينـب ويلـي متحـيره

احترك بينه المخيم جده وين انروح
والكـافل ضعـنه عـله النـهـر مـذبـوح
عليمن جـده نعـتب والعتب مسموح
ونشاهدهم جـثث عالگاع متـطشره


الشاعر عقيل الحسناوي..


https://telegram.me/aabas78
قصائد لكل ايام محرم اشترك بالقناة

^^^^^^^^^^^^^^^^^^^^^^^^^^^^^^^^

▪️نشر جديد
لاستشهاد الإمام السجاد عليه السلام

١/يا عليلَ الطفِّ وافتْكَ الطفوفْ
ترفعُ الآهاتِ بالدَّمعِ الذَّروفْ
قبل سُمِّ الحتفِ جُرِّعتَ الحُتوفْ
يومَ عاشوراءَ من قومٍ لِئامْ

٢/بالعصا قُمتَ مِنْ السُقْمِ تميلْ
لفداءِ السبطِ بالجسمِ النَّحيلْ
جاءَ فرداً ، لا شبابٌ، لا كفيلْ
قائلا صبراً وأعطاكَ الزِّمامْ

٣/لستَ تنسى فخرَ ربّاتِ الحجالْ
أسرعتْ تسألُ ما للكونِ مالْ ؟
قلتَ قومي وانزعي ثوبَ الدلالْ
فعلى الرمحِ اعتلى رأسُ الإمامْ

٤/كمْ مزجْتَ الماءَ بالدَّمعِ الغزيرْ ؟!
تذكرُ العطشانَ في حرِّ الهَجِيرْ
قدْ جمعتَ الجسمَ منهُ بالحصيرْ
بعدما ظلَّ ثلاثاً في الرُّغامْ

٥/لأبي حمزةَ أفديكَ تقولْ
سودُ أيّامي كآلامي تطولْ
فبحبلٍ أوْثقوا بِنتَ البتولْ
وَحَدَاها سوطُ شِمرٍ للشَّآمْ

٦/ناقةٌ ماتتْ مِنَ الحُزْنِ علَيْكْ*
ليتَها كانتْ رأتْ حالَ يديْكْ
فنياقُ الأسرِ شدَّتْ مِعْصَميْكْ
كُلّما مالوا بها تشكو اهتضامْ

*إشارة إلى ناقة الإمام السجاد (ع) التي حجَّ عليها لعشرين عاماً تقريباً ولم يقرعها بعصاه قط، والتي جاءت إلى قبره عند موته عليه السلام فظلَّتْ تبكي حتى ماتت.(عيون المعجزات ٧٤)

٧/أثرُ الجامعةِ اليومَ بكاهْ
باقرُ العلمِ على الجيدِ رآهْ
صبغَ الثوبَ احمراراً مِنْ دماهْ
وبغيرِ الثأر لنْ يلقى التئامْ

https://t.me/AliOsailyAmily

#محرم_١٤٤٥هج
#الامام_السجاد
#اللهم_عجل_لوليك_الفرج