مقالات
حيدر الفريجي
انقلك مقالات شكثر
وحده اعله هجرك تنذكر
وين السبيل اليوصلك
وهو اليجبرك منكسر
يابو كل صبر .. عيني تنتظر
مرة لو تلاكيك
شنهي حالته .. لروحة كرهته
وما كدر يحاجيك
كلة من ادي .. مبتعد علي
واني كاعد ابجيك
جم دوب اكلك ميت عليك
بس ذنبي ما ينسبك
ياريت اطلع روحي وتجيك
من تبقه يمي اختنك
هو اليحبك سالفته بيك
من الخيم للحرك
الغوث والامان
ياصاحب الزمان
*------ *------ *------ *------ *
ياطيف مر جوه الجفن
ودور تفاصيل الحزن
اليطلب دمع من شوفتك
حريته صارتله السجن
لاهي بالهوى .. وناسي نينوى
وما ذكرتك براي
ظالم النفس ..كلبي مايحس
ناسي جرحك وياي
بيه كل كتر .. يطلب العذر
اسف اني مولاي
طلعني من كل حريتي هاي
ذبني بسجن رحمتك
ماعندي وادم تفزع وراي
عايش على مروتك
گلبي الحقير التابع هواي
ماسامع احجايتك
الغوث والامان
ياصاحب الزمان
*------ *------ *------ *------ *
من اذكر ايامي المضن
بجروك جروحي انتخن
شكد لمحتلي وما شفت
عامي الگلب ضيم الزمن
ياهوى النفس .. كلبي ما يأس
منتظر اشارات
حاله لو شفت .. گابل الوقت
يحسب العلامات
منتظر ترد .. حته يستعد
يمحي كل ذنب فات
اذنب واتوبن واندم واكول
ما ارجع اعله الذنب
تفرج وردن مثل الكسول
يهوى الذنوب ويحب
هل مره احلفك بسم البتول
اكشف عليه الكَرب
الغوث والامان
ياصاحب الزمان
*------ *------ *------ *
حزنك دليل لكل جرح
يوميه جدك منذبح
وتقرا بعيونك نعي
وجه الله من رمح لرمح
جدي جم عمر .. يكضي بلصبر
واني حالي كل عام
ابجي وانكسر .. وارجع استقر
بس تغثني الاحلام
بيها بس عبي .. وسفه تنسبي
تمشي كوه للشام
جسمك رساله بين السيوف
بس الحبر كله دم
ليش الكتبها مطشر الحروف
ما جنه لازم قلم
حجم النقاط يعجب اليشوف
والريشه كانت سهم
الغوث والامان
ياصاحب الزمان
الشاعر
حسين_هادي_البهادلي
تعليقات
إرسال تعليق