قصائد الشاعر رعد الچریخی مکتوبة

 

.


.    عباس جبت العايّله      رديت خويه الكربله
     عباس جبت العايّله      رديت خويه الكربله

                              *---------------*---------------*

جيت اليـــوم   ريت ادكوم   خـويـه وتنظر لـحـالـي
شـاب الـراس   يا عـبـــاس   جبت الـروس تـبـرالـي
عنـدي اعتاب   وي اجـنـاب   جيـت وانـت كـفـالــي

ويــاك چـنـت امـخَـدّره    وأدريـك سـبـع الگنطره

                              *---------------*---------------*

فـوگ النـوگ   عيب اتلـوگ   اخـتـك تـمشـي مسبيه
عكبك ليــش   بين الجيش   وادم تــنـظــر اعـلــيــه
زحمه وعيب   تالـي الشيب   يـلّــي اتـكـفـلـت بـيــه

للمـوت دمعات الـجـفـن    ويـاك خـلـيـنـي انـدفـن

                              *---------------*---------------* 

دم ابچيـت   يمك جيت   وانـتـه بـنـومـتـك غــافـي
گـوم ويـاي   يـا رجـواي   عــگـبـك ورّم اچــتــافــي
هـذا الصـار   بين النـــار   اركـض والـجـدم حــافــي

شـدگـول يـا وارث علي    رديـت وادموعي اتهلي

                              *---------------*---------------*
 
  مدري شلون   عنـدي عيون   ظلت والـنـظــر بيهـه
  كلهـه اتصيح   خــاف اطيح   حـرمه وين اهاليهـه
   تصعب هـاي   وي اعــــداي   كلمه ويمك احچيهه

عالنـوگ شافتني الـزلـم    والـحـيـل راح ومـنهـدم

                              *---------------*---------------*

دمعي السال   يحچي الحال   اگعد يا ضـوه عيوني
احچي وياك   نخوه انخالك   وانت الكافل اظعوني
كـلـي اجراح   جيـت ارتــاح   خويه بكلمه حاچوني

عباس شـنـهـي سكتتك    يا خوي احچي امروّتك

                              *---------------*---------------*

چـفـك ويـــن   وعــدك ديـن   يوفي الينطي الحچايه
خدري انشاف   جيـش آلاف   امـشـي ويمشي ويـايـه
عـوف الـنــوم   هسـه وگـوم   بـيـدك رفرف الــرايــــه

هالـيـوم جـيـتـك ياگمر    هالـيـوم هم عندك خبر

                              *---------------*---------------* 

العدهه أحيود   تمشي بـزود   وآنـه الوادم اتسبنـي
وي  ظــــــلام   لـرض الشام   دهري هـواي دولبني
شفت الويـــل   راح الحيـــل   بفراكك يخــال ابني

ياريت موتي بـمـوتـتـك    انـشـاف تقبل غـيـرتـك

                              *---------------*---------------* 

دربي ابعـيـد   وانت الحيد   صـيتـك واصـل السبعه
خدري بساع   راح اضـيـاع   وانـت بـزودك اتـرجعـه
اخـذ الــروح   وسفه تـروح   واختـك تبقه منفجعـه

يا خوـي يـحـزام الظهر    ظـلـيـت بأحـزان الدهر 

                              *---------------*---------------*

✍خادم زينب (ع)
الشاعر رعد الجريخي

(ام عون)

أم عون ردت بالحزن ..  أنهض يراعي الغيره
يم گبرك أتنوح وتوّن ..  أنهض يراعي الغيره

                               *---------------*---------------*

لايـحلـه نومـك عالنهـر       أنهض يراعي الغيره
أتـلـگـه أخـتـك يالگمـر        أنهض يراعي الغيره
خاطرهه بالغربه انكسر       أنهض يراعي الغيره
عـذبـهـه بـفـعالـه الدهر       انهض يراعي الغيره

               متلوعه كل ليل اليجن

                               *---------------*---------------*

موعـاده تـتـوسـد تـرب       أنهض يراعي الغيره
زيـنـبكـم أبـيـن الـغـرب        انهض يراعي الغيره
مشوهه من درب الدرب     أنهض يراعي  الغيره
نـايـم يمهيوب الـحـرب       أنهض يراعي الغيره

              لحال أختك المرمر يحن

                               *---------------*---------------*

ردت عليك ام الـجـرح     أنهض يراعي الغيره
والدمعه بالعَبـره تسـح     انهض يراعي الغيره
منيتهـه يـمـك تـنـذبـح      أنهض يراعي الغيره
مشتاگـه للوجه السمح      انهض يراعي الغيره

               متعجبه مثلك يندفن

                               *---------------*---------------*

أتلگاهه بالچـف الـعلـم    انهض يراعي الغيره
يالعلمتهه اعلـه الشيم     أنهض يراعي الغيره
بوداعك الحيـل انهـدم     أنهض يراعي الغيره
ماعدهه والي ولا خيم     أنهض يراعي الغيره

              تمسح دمعهه بالردن

                               *---------------*---------------*

بـحـگ الـكفـالـه أطالبّك     أنهض يراعي الغيره
حاچيهـه فدوه الشاربّك    أنهض يراعي الغيره
شنهي التراب ويحجبّك     أنهض يراعي الغيره
تـدري الـعـتـاب ايعذبّـك     أنهض يراعي الغيره

               زينب تعوفك ما أضن

                               *---------------*---------------*

أتنادي والعين اتهلي    أنهض يراعي الغيره
گوملهه ياوارث علي   أنهض يراعي الغيره
أتكلك دنـزل محملي     انهض يراعي الغيره
اختك تراهه ابلا ولي    أنهض يراعي الغيره

               اتعاتب ابسيل الجفن


                               *---------------*---------------*

✍ خادم الحسين ع
الشاعر رعد الجريخي

قصيدة (#روجة #المشايه)


. انتباه     روجـه روجـه امـنـل بـحـر
  انتباه     اتـوجـهـت صــوب الـنـحـر

إلـهـه رفّـت رايـه  **  روجت الـمشـايـه

                                       *---------------*---------------*

الـزحـف مـليـونـي لـلـغـالـي ابـتـده
اربــعـيـن احـسـيــن ثــوره خـالـده
انـجـدده الــيــوم الــوفـاء انـجـدده

مانعوف     نـمـشـي لــو دربـه جمر
مانعوف     خـدمـه مـنـذور الـعـمـر

          الـجـحـافـل هـايـه

                                      *---------------*---------------*

هـايـه خـدام الحُـسيـن وشـيّـعــتـه
روجـت الـمـشـايـه گـصـدت قـبـتّـه
وعــد عـدهـه والـوعــد مـاعـافـتــه

للحبيب     اعـتـنـت كــل الـخــدم
للحبيب     تـهـتـف وراعي الـعَـلـم
           
              عـالـعـهـد وفّـايـه

                                       *---------------*---------------*

ياحسيـن الـصـوت هـالـيـوم اعـتـلـه
والـقـوافـل هــاي تـمـشـي الـكـربـلـه
يـا هـلـه الــخــدام تــهــتـف يـاهـلــه

الجميع     الــخـدم لـزمـت ســره
الجميع     فزعه شـيـعـة حـيـدره

           اعـتـنـتـلـه اعـنّـايـه

                                       *---------------*---------------*

عــهــد لـلـمـوت وتـوّقّـــع بـالـدمــه
اتـعـنـت الـعِـشّـاگ كـلـهـه امـحزمـه

رفّـت الــــرايــات بـعـيـون الـسـمــه

ياحسين     صرخه مـا تـبـرد أبـد
ياحسين     عـهـد منعوف الـعـهـد

            الـوعـود احـچـايـه

                                       *---------------*---------------*

✍خادم زوار الحسين ع
الشاعر رعد الجريخي

حبيبة الحسين رقيه ع


.        يا بويه شـفـتـك بـالـحـلـم انه رقيـه
         حنيت ابوسك والطشت جابـوه اليه

حاچيني شـلـي بدنيتي   راحه اعله راسـك موتتي

                               *---------------*---------------*

حلمك رسـمـتـه بناظري . وضي الـنـظـر مـا عـافـه
يالوجهك ٱينـگّـط ضـوه . ويسحر جمال اوصـافـه
خوفـي ابـوسـه وينلچم . ثـغـرك فـطـر بـشـفـافــه
راسـك يـبـويـه المنگطع . يموت بحسـرتـه الشافـه

        متخضب بسيل الـدمـه وتگطر رگبته
        ومـتـغـيـر هـواي الوجه گوه عـرفـتـه

                 إلـمـن أظـل بـحـسـرتــي 

                               *---------------*---------------*

ياللونـك بـلـون الـسـمـه . متحيره صـرت بـلـونـك
أحـمـر أصـدن لـلــوجــه . وهـو ابـيـاض سـنـونـك
و عـيـونـك التسحر گبل . مـا چنهه ذيـج عـيـونـك
يالجنت يـوسـف نـاظري . شلّـي بـحـيـاتي بـدونك

        انظر جـبـهـتـك يالولي ينزف جرحهه
        منگعه شيبك بالـدمـه ومحد مسحهه

                 شـلـون اوصف حـالـتـي

                               *---------------*---------------*

جيتك يبويه بحسـرتـي . وجفنـي الـتـهـل دمـوعـه
و لْگيتك بـلايــه جـسـد . وعالـراس اصـدّ ابـلـوعـه
گالولي جسمه بـكـربـلـه . وصدره انطحن وضلوعه
خليني اموتـن بـالـحـزن . إلـمـن أظـل مـفـجـوعـــه

        بزهرة حياتي اتيتمت دمـعـي تـجـاره
        جاوبني فدوه لبسمتك وانطق عبـاره

                 غرگت جفوني بدمعتي

                               *---------------*---------------*

مغمضه عينك يالـتـرف . ومــا تـصـد عـيـنـك لـيـه
يـشـرحـلك لْسان الدمع . آنــــه الـعـزيـزه ارْقــيـــه
ظالم اجـانـي بطيحتك . جـرنـي وسـلـب تـرجـيـه
وجـروح الاسياط بحقد . تــركــن أثــرهــن بــيـّــه

        حسبالي سالم واگعدت اصرخ اريـده
        تاليهه راسـك بالطشت حـزنـي يزيده

                 طفله وبقيت بـلـوعـتـي 

                               *---------------*---------------*

بحضنك أغـفــه مُنيتـي . بـعـد الـحـلـم حـسـبـالـي
بيدك تـنـشـف دمـعـتـي . هـــذا الــرسـمـتـه ابـالـي
باليقضه جابولي طشت . گالولي شـوفـي الـغـالـي
فوگ السياط ولـوعـتـي . حـــالـك جــــرح دلالــي

        الشيبه مصبوغه بدمه وحمره شفتهه
        واحلامي كـلـهـه بغيبتك شـو غيّبتهه

                 شفت الـعـذاب بنظرتي

                               *---------------*---------------*

خليـنـي امـوت بفركتك . الـمـثـلـي بعـد اشـعـدهـه
ياهـيّـه بـسـنـيـن الـورد . شـافـت ذبــح والــدهـــه
ادموعي وجـروح المتن . حسبالي بـويـه اتصدهـه
تفتحلي عينك و الگـلب . ماچـنـت اضن اتـسـدهـه

        وداعـت اللـه يالنمت نـومـه طـويـلـه
        مــا ارضـه تتركني واظل مثل العليله

                 ويـّـاك أمـوتـن غـايـتـي

                               *---------------*---------------*

✍ خادم الحسين ع
  الشاعر رعد الچريخي