وي حسين هليله الوداعيه
يالتحدي بضعنه تعطل شويه
+++++++++++
باجر من عسنه لايجي باجر
باجر حال زينب يكسر الخاطر
فكدت كل اهلهه بليلت العاشر
ياويلي عليهه بحالهه اصاير
يبن امي عفتني وكطعت بيه
وي حسين هليله الوداعيه
++++++)+++++++
يالحادي اريد حسين اودعنه
ومد طولي اويطوله وبيدي اشبكنه
وكله شلون بعد بدنيتي اتهنه
كلب اختك يخويه خاب كل ضنه
يبن امي عفتني وكطعت بيه
+++++++++++
عين اتصد عليك وعين عالناكه
شكلن للكلب مايحمل افراكه
لون فركتنه صارت وين نتلاكه
علئ فكدك بجيت بدمعه حراكه
يبن امي عفتني وكطعت بيه
++++++±))++++++
وشطول المسافه الباجر امشيهه
وتحرس يم جثثكم روحي اخليهه
وي ليل النوايب راح اكضيهه
وهل الايتام ملت من بواجيهه
يبن امي عفتني وكطعت بيه
++++++++++++
الخوان وكت العازه يرادون
اخوتي اعزاز عندي افراكهم ميهون
هاي اليله يمهم باجر انه شلون
يبن امي البواجي تريد مني عيون
يبن امي عفتني وكطعت بيه
++++++++++++
اودعنك يخويه اليله خليني
وبالايتام ماريدك توصيني
اباريهم الك وحرسهم بعيني
ويالتحدي بضعنه بالله تانيني
يبن امي عفتني وكطعت بيه
+++++++++++++
الشاعر ابو زينب البهادلي
تعليقات
إرسال تعليق