📜 قصيدة :- حيهم يازوار .
✍ كلمات :- الشاعر حسين الساعي .
🎤 أداء :- الرادود محمد الجنامي .
🖤🔷🔷🖤🔷🔷🖤
حـيـهـم يـازوار حـســيـن .. حيهم يازوار
خدمه وبينه نوفي الدين .. حيهم يازوار
حـط جدامك فوق العين .. حيهم يازوار
🖤🔷🔷🖤🔷🔷🖤
صوت الحب يصرخ يوميه
كل موكب كل حسينيه
تسمع هالايام
كل شارع كل ديره و وادي
حرمه و زلمه و طفله تنادي
حي الله الخدام
كلها تريد اتعزب بيهم
مشايه و راح انلاگيهم
و انحيي الاعلام
حي الله زوار الجتنه
نتشرف بيها ونتهنه
ونحطهم عالهام
كلها اتعزب للزوار يا محله الملگه
لا جوعان و لاعطشان بيهم ماتلگه
حيره هذا الحب ياناس والصاير ماصار
🖤🔷🔷🖤🔷🔷🖤
هذا البعزوبيته ايبدّع
ذاك اليبطخ هذا ايوزع
وسماطه الممدود
كل ديره من تلاكيها
جنه وشتحب حاضر بيها
والتهواه موجود
كل ديره ديوان ابكُبره
صاير والخدام ابسدره
اهل العز والجود
خيرات حسين وتتحيّر
زوّاره شما تكثر تكثر
اعجاز و مشهود
اشماتكثر زواره اتشوف تكثر خيراته
معروف وينضح معروف تشهد وگفاته
بالخدام اتشاهد زين تفسير الايثار
🖤🔷🔷🖤🔷🔷🖤
طفله اهنا تلگاها ترحب
وي امها تخدم بالموكب
تخبز ليل انهار
مثل اُمهه بهالحب مجنونه
خدامه وهيه الممنونه
ماتهتم بالصار
و اهنا شايب عاف العنده
ناصب موكب لاكن وحده
واُمنيته الزوّار
ماعنده بس عنده اميه
يسقي المشايه يوميه
هذا اكبر ايثار
موش ضيوف انتو اهل البيت وانا بخدمتكم
واكف متوزر ياناس فدوه الجيتكم
هذا انا البرّه من البيت وانتو اهل الدار
🖤🔷🔷🖤🔷🔷🖤
هذا الجايب كل اولاده
بالموكب تخدم كل عاده
مامهتم بيها
تلگاه واحد بايع بيته
بس لا یقطعهه اعزوبيته
كون يوافيها
كلها تصيح و كلها ترحب
هذا اليخدم ذاك ايعزب
بالحب يحچيها
گول اتدلل يازايرنه
شتريد وشتحب تامرنه
واحنه نسويهه
كل العالم لو مشّاي ماتعجز هالناس
نطعم كل الدنيه اليوم بمضيف العباس
ازغار اكبار تحيي الضيف وتلاكي الخطار
🔺 رابط الانضمام للقناة : @Alwaili2 🔺
تعليقات
إرسال تعليق