📜 قصيدة :- لحسين امشي [ استوديو ] .
✍ كلمات :- الشاعر وسام الشويلي .
🎤 أداء :- الرادود محمد الجنامي .
🖤💙💙🖤💙💙🖤
بين الماضي و بين الحاضر شفت للحب صور
من احـسـبهن ابدي بـجابر عـشك للطف حـضر
هــاي الـقـصـه الـيـوم و بـاجـر أثــر يــتـبع أثــر
🖤💙💙🖤💙💙🖤
علـى هـونك يامن بالـسانك تـطعني
إذا عندك منطق حاورني و اسمعني
ترى مو من حـقك من ديني تمـنعني
حسين الينفعني و حجيك ما ينفعني
آيه وخطها الوحي .. هالحب ما ينمحي
عن فطره وعن درايه بيدي رايه ولحسين امشي
خطواتي بهالدرب .. رحمه و تقوى الگلب
تعظيما للشعائر لله زاير و انطيه كلشي
بهيـج ايام و لـيالي
شفت الحب المثالي
والأمان ... والأمان
حسين الجنه و منهو يرفض يروح الجنته
أمشـي بدرب الغـالي امغمض اشم ابتـربته
مـلـهوفه الزوار و تـركض مثل ركـضـه نـهـر
🖤💙💙🖤💙💙🖤
بجفوف الغيره من انشالت رايتنه
لـحسـين الغالي عالموعد طلـعـتـنه
طيور المشايه و گاع الطف و احتنه
و يـخـضــر زايـر و فـاي ابـنـزلـتـنـه
من يطيح الدمع .. رأيه حب ترتفع
وإحساس البيه ماشي انتعاشي وي كل خطوه
أي شي انظر اله .. يوجهني الكربله
متنومس بالاشاره و بالعباره الكلش حلوه
و اليبحث عالحقيقه
لازم يـجعـل طـريـقه
كربلاء ... كربلاء
دم حـسين بهاي التربه صنع قـوه جـذب
ماكو بعيد الـحب يقربه بأي دوله المحب
و الما يحـضر للطف گلبه على النيه حضر
🖤💙💙🖤💙💙🖤
مجتمعه بگلبي بسماتي وي نوحي
رايح مـتعني محـبوبي و مذبوحي
اصفن بجروحي شگد داون بجروحي
ومن اوگف يمه آنه أخجل من روحي
ويا كـلـمـات الــگـلــب .. منثوره على الدرب
و اتعثر بالمشاعر و الكه زاير لازم ايدي
يحچيلي على الصدق .. واحجيله اعله العشق
وجم شايب كله هيبه يگلي شيبه عفيه اوليدي
سولـفلـي اعـله الولايه
وسلمني من ايده رايه
للحسين ... للحسين
گلي اوليدي العالم مظلم و ابواليمه الضوه
امشـي و قاوم لا تستـسلم و أخذ هذا اللوه
لابـنـك هـاي الـرايـه اتــسـلــم إذا ابـنـك كبـر
🔺 رابط الانضمام للقناة : @Alwaili2 🔺
📜 قصيدة :- ابن الجروح .
✍ كلمات :- الشاعر لؤي حبيب الهلال .
🎤 أداء :- الرادود محمد الجنامي .
🖤🌹🌹🖤🌹🌹🖤
يابن الدمـاء الجاية .. يابن الظـلوع الهاوية
يابن العيون الباكية .. يابن الجروح الباقية
ســــــــــلام
🖤🌹🌹🖤🌹🌹🖤
يا قلب احمد في الخدر يشهد حزن الحورا
يا جرح حيدر بالطف تسعر جمرا جمرا
ام جئت تعصر فيها و تكسر مثل الزهرا
بــنـيـاه ... كـل البـلاء
ستلقاه ... في كربلاء
و تسقاه جورا ظلما حزنا هما غما
جـرح بـقـلـبـي نـشـأ .. والله لا لن يبرا
طفل رأى ما قد رأى .. هل ذنبه أن يظمأ
حــــــــــرام
🖤🌹🌹🖤🌹🌹🖤
ام و كاسي سيل الماسي و الويلات
طـفل بـصدري آمـال ظـهري للـنكبات
كيـف يـودع مـن كـان يـرضع بالايـات
على البلوى ... من للرباب
إذا دوى ... وقـع الـمـصاب
فلا أقوى أبقى حيرى منه حزا دهرا
يبكي الرضـيع المبتلى .. حتى تلظى و اغتلى
هل قطرة تشفي البلى .. يا كربلاء يا كربلاء
ضـــــــــرام
🖤🌹🌹🖤🌹🌹🖤
رفقا بحالي يابن المعالي عبدالله
مثل الشموع أوقد ضلوعي نورا زاهي
واعف بجفني واشرب بعيني باسم الله
و إن تقبل ... خذ من حياتي
ولا تـسـأل ... مـاء الــفــرات
فإن ترحل يهوى السقف حتى يهفو الخوف
أخاف من جور النهر .. عليك يا حرف السور
ألم ترى القتلى الغرر .. دماؤهم مثـل الـمـطر
مــــــــــدام
🖤🌹🌹🖤🌹🌹🖤
راتك زينب كالجمر تلهب أفنى الدنيا
صاحت حسينا احنن علينا واطلب ريا
الطفل ذابل و الجسم ناحل أأخي هيا
فناداهم ... جـئتـم لقـتلي
وانباهم ... ما ذنب طفلي
و ابكاهم بالاهات و الحسرات آتي
قال خذوه و اذهبوا .. للنهر عذبا يشرب
يشفـع لكم طه الاب .. يومئذ منه اطلبوا
مـــــقــــــام
🖤🌹🌹🖤🌹🌹🖤
بالظهر ليل و المهم حيل في الـميـدان
الـسـهـم مـرا و غـال بـدرا بـالـطـغـيـان
الله اكـبـر طـفـله و تـنـحر في الاحضان
ايا زيــنــب ... خذي الرضيعا
دما يشخب ... قـلـبـا فـجـيعا
فهل اعجب طفل يطفى يلقى سهما يدمى
بني فاقصد حيدرا .. اذهب و تسقى كوثرا
أدري تـريد الأكـبـر .. تــريـه نــحـرا احــمـرا
ســـــهــــــام
🖤🌹🌹🖤🌹🌹🖤
المهد خالي و الشمر و إلي فينا ساروا
بالحبل نسحب بالسوط نضرب لا انصار
أن كنت تعلم أبوك و العم صرعى صاروا
ولا ظهر ... ما من نصير
بنا زجـر ... حادي المسير
و إذا أمر مر مر مر مر مر
بني عد يحلو الزمن .. عد لي فقد در اللبن
بني قد ضاع الوطن .. طف فكوفان المحن
و شـــــــــام
📜 قصيدة :- هلا باربعينه .
✍ كلمات :- الشاعر كرار حسين الكربلائي .
🎤 أداء :- الرادود محمد الجنامي .
🖤💛💛🖤💛💛🖤
هلا باربعينه ... هلا باليچينه
هذا خير الحسين كله بين ادينه
🖤💛💛🖤💛💛🖤
لمت الخدم هاي خيمته الجبيره
صحنه كلمه هيهات توكف المسيره
عرب عدنه الحسين شيخ العشيره
الما يحبه خسران و اليحبه فايز
امشي دربه و اتشوف قمة المعاجز
حبنه يبقه وياه ابفطره العجايز
ماكو من حنانه ... بالگلب مكانه
يا خلك و الدموع تختصر حجينه
🖤💛💛🖤💛💛🖤
زلم شدت احزام حضرت مواكب
شاب شد ظهر شاب شايب اويه شايب
ما تعوف الحسين لزمت الشوارب
هله ابنعم الرجل رجال الشعائر
اهل غيره هيهات تبيع الضمائر
السمه تنادي و الگاع تفضل يزاير
كلمة المشاعر ... يا هلا يزاير
احنه شلنه رايات وفه ابكل مدينه
🖤💛💛🖤💛💛🖤
والله لو الف عام هالدرب مشيناه
حافظينه عالغيب من زغر حفظناه
العنده مثل الحسين حتى إسمه ينساه
يمه نبقه خدام نواصل دربنه
نموت احنه و يعيش الحسين ابگلبنه
تعب بينه و انصيح اشحلاته تعبنه
و الحچينه عنه ... اربعينه جنه
نكشخ ابخدمته و كشخ كلشي بينه
🖤💛💛🖤💛💛🖤
انعوف دربه هيهات ينسمع رفضنه
يا هله يمشاي عاشت ابنبضنه
من يجينه خطار عالدرب ركضنه
ملك زاير احسين عدنه امره ينطاع
ماكو واحد ايجوع خيره تارس الگاع
العمر كله مرخوص لبواليمه ينباع
للملك امرنه ... فدوه كل عمرنه
ردنه لاخر انفاس اتظل علينه عينه
🖤💛💛🖤💛💛🖤
باربعينه الضعون من سبيها جايه
رايه رادت ام عون واحنه شلنه رايه
هذا خطه والله ما اله نهايه
فدوه كل اهلنه للمشت سبيه
جبنه حتى الاطفال ثوره عاطفيه
ندري گلب الحسين هايم ابرقيه
ابهمة العقيله ... مشي نعتنيله
و الدمع يواسي رقيه و سكينه
📜 قصيدة :- درب العشك .
✍ كلمات :- الشاعر كرار حسين الكربلائي .
🎤 أداء :- الرادود محمد الجنامي .
🖤♦️♦️🖤♦️♦️🖤
أكتب اسامينه يدرب العشك
بالعشرة نبصم الك ما نفترك
ابهذا الزمن دورنه كل البشر
ما شفنه غير حسين صاحب صدك
🖤♦️♦️🖤♦️♦️🖤
للـناس معشوك ... عنوان للشوك
محبوب للروح ... بالخيل مسحوك
منو شايف منو سامع ميت عايش بكل زمن
و اسهامه شافنه صدره بي مضيف الحسن
للضايع للخايف صارت كربلاء الوطن
دك باب الحسين و يروح التعب
مـحد يقيـم الذهب غيـر الذهب
دورنه صاحب ما يخون الملح
ما شفنه غير حسين صاحب صدك
🖤♦️♦️🖤♦️♦️🖤
حـبـيـت إنـسـان ... يــنــقـاس قــرآن
عطشان لحسين ... و حسين عطشان
سالفته من احجيها تبجيله السمه و النجم
عاهدته ما اعوفه حسين انطيته كلمة زلم
للوادم ما أهتم هوه الوحده عندي المهم
لو اعمه اندل بابه وأصل اله
رجليه ط
باجر يجي المهدي و يموت الظلم
و انصاره اهل الدمعه و اهل الطلم
و انكله يبن الحسن اي و الحسن
ما شفنه غير حسين صاحب صدك
📜 قصيدة :- اي يدنيه .
✍ كلمات :- الشاعر وسام الشويلي .
🎤 أداء :- الرادود محمد الجنامي .
🖤🔷🔷🖤🔷🔷🖤
اي يدينه چم مصيبه ..امـحـضـرتها للـغريبـه
الچانت مدلله هسه اسيره
تدخل امچتفه يوميه ديره
🖤🔷🔷🖤🔷🔷🖤
يادنيه كافي من الغدر عذبتي زينب بالزغر
اذيـتـي هـالـيـتـيـمـه
من الطفوله ويه الدمع عاشت الألم كسر الضلع
يـومـيـه وي هـضـيـمه
اشتـنتـظر منـج بـت علي يا دنـيه شـتاني
مصيوبه و اسهام الهضم واحد وره الثاني
لا راحه شـافت لا فرح مجـروحه و اتعـاني
كل اهلها فارگوها ... بالمصايب طوگوها
لا خدر لا حمه حيرتها حيره
تدخل امچتفه يوميه ديره
🖤🔷🔷🖤🔷🔷🖤
يا دنيه نحجي ابيا قهر ما شافوا الزينب أثر
تـركـوا اثـر بـاديـهـا
اسياط وعصي فوك المتن منهو عله زينب يحن
يـلـحـك عـلـى سـبـيـهـا
جان الخيال العالارض ماواحد يشوفه
تاليها فرجه اصبحت للناس بالكوفه
بت علي و ابديرة علي بحبال مجتوفه
ها يدينه هيجي تالي ... للعقيله ماكو والي
يا وسف تنسبي الجانت اميره
تدخل امچتفه يوميه ديره
🖤🔷🔷🖤🔷🔷🖤
بت فاطمه ابجفها الحبل يم ابن مرجانه النذل
يـا دنـيـه يـا وسـافـه
وكفت ابديوان الزلم الما شافها حتى ابحلم
هـسـه وجـهـها شـافـه
راس الاخو ابوسط الطشت و ادموعه هماله
ينظر الاخته ابلا خدر و امجتفه اكباله
يا هضمته اسياط الشمر تلعب على اعياله
آه يا زينب يا هضمها ... اكبال اخوها من شتمها
دم لجلها يصب رأس أبو الغيره
تدخل امچتفه يوميه ديره
🖤🔷🔷🖤🔷🔷🖤
اجروح السبي ماتنحصي عثرات واسياط وعصي
تـتـصـارخ الـيـتـامـه
كل ما يجرون الحبل لو طفله توكع لو طفل
ومـا تـنـهـض بـسـلامـه
راس الحسين اعله الرمح يوكف يحاجيها
و ايكلها طفله من الظعن طاحت الحكيها
و زينب تروح الها ركض تسمع بواجيها
بالصحاري جم يتيمه ... ضيعتها يا هضيمه
تايها و خايفه و مستجيره
تدخل امچتفه يوميه ديره
🖤🔷🔷🖤🔷🔷🖤
زينب وكتها ما نصح بالشام لاكوها ابفرح
و الـزيـنـه عـالـمـنـازل
فوكاها رميات الحجر صارن مثل زخ المطر
و ويـه الـرمـي هـلاهـل
صاحوا سبيه بت علي ليزيد جبناها
مجتوفه تدخل للقصر و الحرم وياها
ثارات نطلب من علي وهاليوم اخذناها
ناده زينب خل تجيني ... انظر الها ابهذي عيني
فاجعة بت علي شكد جبيره
تدخل امچتفه يوميه ديره
🔺رابط الانضمام للقناة : @Alwaili2 🔺
تعليقات
إرسال تعليق