قائد الجيش الالهي | حيدر البياتي |كلمات مكتوبة
قصيدة | قائد الجيش الإلهي|
الرادود : حيدر البياتي
الشاعر : مصطفى العيساوي
عباس قـائـد الجيش الإلهي
عباس مالفت غيره انتباهي
حيدر مـن حيدر
عـالقــادة تـصدر
واحد بس عسكر
قائد الجيش الإلهي
🎶〰〰〰〰〰〰🎵
سُبحان السـواه بكـل مـوقــف نلــگـــاه
صاح الطف الله عينك أحله من السيف
ياجنة من آحساس سولفتك للنـاس
جنني العباس واقع اجمل من طيف
ضوه للظلام ، هوه للخيام
خلص الكلام ، يـم الگـمــر
گمر بسماه ، نزل بضماه
صاح الفرات ، انـت النهر
هوّه الثبات هوَّ الحياة
هـوَّ القضاء هوَّ القدر .. بيده
يا ناس ، ماكـو انسـان بجمـالـه
يا ناس ، الجنة غارت من خياله
روحي العاشكته
تحجي بسالفـته
بالطـف مـرتبـته
قائد الجيش الإلهي
🎶〰〰〰〰〰〰🎵
يا عين الزهراء اسمـك ســر المــاء
عين ولام وياء حرزك چان بعاشور
يـــا ابـن القــران يــا خــاتـم سلمــان
يالجودك طوفان وانفاسك نفخة صور
قمر الطفوف ، والكل يشوف
عـدد الالـوف ، يمــك صـفــر
شهم وشجاع ، امرك مطاع
قلمـك حسام ، دمهـم حبـر
هله بالكفيل ، هله بالاصيل
هله باليكول ، كعبة الخـدر .. عندي
انفاس ، انت للخوه الاصيلة
انفاس ، للمخـيم والعـقيلــة
ما تعطش روحه
غيمـة وشيلوحه
كـاتب إطـروحـه
قائد الجيش الإلهي
🎶〰〰〰〰〰〰🎵
خطـواتك قـانـون بكل خطوه يرجفون
من تحچي يسكتون هيبة وغير انت الشيخ
يا جنـة و يا نـار خـزراتـك إنــذار
عينك من تندار يرجف حتى التاريخ
بطـل النزال ، اسـد القتـال
عندك محال ، تخسر حرب
رجف الفرات ، حس بالممات
يـدري الاجاه ، فـارس صعب
ملك الطفوف ، ملك السيوف
ملك الرجــال ، مــا ينــغُـلُـب .. سيفه
ينقاس ، سيفك بفقار ابو تراب
ينقاس ، جفك بجف قالع الباب
عن سيفك راضي
الحاضر والماضي
مرتبتــك قــاضي
قائد الجيش الإلهي
🎶〰〰〰〰〰〰🎵
يـا بيـرغ مـا طـاح قـبـاض لـلأرواح
ملك الموت ارتاح ماخذ دوره العباس
مـوت احـمر يمناك والكـوثــر يـســراك
يمشي الخير وياك من تمشي بين الناس
نَفَس الحسين ، ابو ريشتين
اسمــك جبـير ، يا ابا الفضل
چان اللواء ، فَـي كربـلاء
بلغة الخيام ، همزة وصل
علي من يصول ، علي من يجول
علي من يگــول ، كـــول وفـعــل .. حيدر
عالراس ، رايتك تمشي ويه ريحك
عالراس ، خـوذتك گبـة ضـريـحـك
يالمنطي حجايه
مخلـوق الغــاية
كـاتـب عالرايــة
قائد الجيش الإلهي
🎶〰〰〰〰〰〰🎵
ضـل عايش مـا مات والرايـد إثبــات
تكضيها الحاجات لو دك بابك محتاج
يالتنطي بجفين منطيهن لحسين
شفناهن بالعين ملبس خدامك تاج
اليجي للضريح ، يمك يصيح
عنــدك دخيـل ، يابـو الوفــة
يمـك اجيت ، بيك انتخيت
وادري اليجيك ، بيك اكتفه
انت القريب ، انت الحبيب
انت الطبيب ، وانت الشفه .. ابو فاضل
ينباس ، جفك وجف اليزورك
ينباس ، ترابك البي اثر نورك
شفته بوجداني
فــارس ربــاني
من عــالَم ثـاني
قائد الجيش الإلهي
تعليقات
إرسال تعليق