رسالة كربله|محمد الجنامي|كلمات مكتوبة

 

📜 قصيدة :- رسالة كربله .
✍ كلمات :- الشاعر كرار حسين الكربلائي .
🎤 أداء :- الرادود محمد الجنامي .

🖤🔶🔶🖤🔶🔶🖤

رســالــة كـربله ... هله بمسلم هله
يماخذ من علي ... اصول المرجله
           عليهم بيرغ لاح
       عرشهم والقصر طاح
         يـمـسـلـم ... يـمـسـلـم

🖤🔶🔶🖤🔶🔶🖤

صرخ و الصوت صك الراح و الراد
فزع و الفزع فز و راد مشراد
يا رداد كــــلمــن مـــالـــه رداد
يمسلم تسلم بسيفك علي انعاد

لبختكم يـسـاده ... تلوك القياده
       مضر بالحرب الها ماضي
الهواشم عشيره ... زلم كلها غيره
      شيوخ السمر و المواضي

ابـخـتكم ينـحلف ... و علي الواحد بألف
الارض لو عاندت ... بجدمكم تنخسف
         يصوت الغيره من صاح
          عرشهم و القصر طاح
           يـمـسـلـم ... يـمـسـلـم

🖤🔶🔶🖤🔶🔶🖤

صلت بالحومه حوم يديد صيده
اليكول آنه ازلمه خل يرفع ايـده
ينار الكابلك تحرك يزيده
الجهنم عاجل توقع بريده

الـيـغـث الــغـوالـب ... يزينله شارب
               زلمهم عبي لبستها
صحت سيفي جاهز ... فهل من مبارز
           كتايب جبيره دستها

ثلث شردوا ركض ... و ثلث فوك الأرض
و ثلث من الـوجل ... وكف منها النبض
              نجم هيهات ينلاح
            عرشهم و القصر طاح
            يـمـسـلـم ... يـمـسـلـم

🖤🔶🔶🖤🔶🔶🖤

يالمخوف الحرب محد يخيفك
بده بموسم حصاد الروس سيفك
توديها و ترد بيها اعله كيفك
يمسلم عمر بالكوفه مضيفك

الوصل يمك يروح ... شمر فوك السطوح
       زلم عالزلم خيل عله الخيل
بچه القائد و صاح ... مدد ردنه و اسلاح
            عليها النهار انگلب ليل

ولي و نعم الولي ... الابد ما ينولي
يشـوفونه الخلك ... علي و خلف علي
           كسر من عدهم اجناح
           عرشهم و القصر طاح
          يـمـسـلـم ... يـمـسـلـم

🖤🔶🔶🖤🔶🔶🖤

إذا تندار عينه الگاع تجفل
وحيد ومن يجيهم كلها تختل
وحيد وعنده بس طوعه تهلهل
يعالم طوعه تسوه شوارب الكل

نعم طوعه حرمه ... وصفت آيه عظمه
            يقلدوها كل المراجع
مــره حــيــدريــه ... طــبــعـهـا اعـربـيـه
      بلا سيف عن الضيف تدافع

اصـيـله مـكلـفه ... سمه و تمطر وفه
تشوفه ابلا اخو ... و تشجعه ابعاطفه
            تكله اقبض ارواح
          عرشهم و القصر طاح
         يـمـسـلـم ... يـمـسـلـم

🖤🔶🔶🖤🔶🔶🖤

يمسلم طال عمرك مو عمرهم
عشت برواحنه و ضايع أثرهم
ضريحك عالي و اتهدم قصرهم
الزمن يلعنهم اشما مر ذكرهم

امـير السـفـاره ... بضريحك مناره
        تنادي هله بيك يزاير
المرضنه تعالج ... يباب الحوائج
        يبابك ولا ردله حاير

اليجيك ابحضرتك ... تكرمه بشيمتك
و اذا لـلــگــبــه راد ... تــنــزل كـبـتــك
           كفو الكل شده مفتاح
           عرشهم و القصر طاح
           يـمـسـلـم ... يـمـسـلـم

🔺 رابط الانضمام للقناة : @Alwaili2 🔺