ياسراج التائهين...ياملاذ الخائفين
يا ابآ وعم...خيمه عالخيم..يابوفاضل
●●●●
عمي خل الحومه تهدة من النبال اشوي.
كلش نخاف اعلى عينك لايلوحك شي.
اخلافك يضيع بخيامك كل شئ حي.
مامرتاحين الهل روحة.
محد بالطف ضامن روحه
والمثلك لو نبلة تلوحه.
يعني مات الضي...
●●●●
كلشي من دونك ضلام.
انت فانوس الخيام.
ضلتك اهم...خيمة عالخيم...يابوفاضل
●●●●
1
طيحتك ركضة ضهاري وعثرة امدلل.
واحنه مومالت صحاري وكلشي مانندل.
عمي سنداتنه جفك ينكطع نذبل.
بغارت خيل وعازت غيرة
نوصل وين بخطوة زغيرة
وركض الخوف يصير بحيرة.
حيرت المغزل.
●●●●
نركض ندور امان...ونرجع النفس المكان
تايه الجدم...خيمه عالخيم...يابوفاضل
●●●●
كلشي مايروينه دونك لونهر نشرب
عمي لتعوف المخيم لورحت ينطب
وتدري چم سلاب ناطر تبعد ويگرب
ضل يمنه ايخاف المو يمنه
بس تطلع تنداس اخيمنه
ونتطشر واحبال اتلمنه
انضيع المهرب
●●●●
بطيحتك ياضيعه هاي...وانت تدري الراية راي
ورفت العلم...خيمه عالخيم..يابوفاضل
●●●●
مدللين جفوفك احنه ومانعرف الطك
شلون اذا يلحكنة واحد وانت ماتلحك
حيرة لو يسحكنة حافر لو جمر نسحك
ومن الخوف نضل نعاني
نضل واحد يعثر بالثاني
وسلاب بكل صفحة متاني
وسوطة مايعتك
●●●●
وياهو بينة العندة حيل...ويكدر يسابكلة خيل
شيحمل الالم...خيمة عالخيم...يابوفاضل
●●●●
عمي لو رايتنه طاحت ياضهر يسلم
لا صدر نغفة بحنانة ولا نحر ينشم
وضيعت ثمانين خايف زينب شتلزم
بنيات يكومن ويعثرن
والخيمات ارماد ايذرن
وعمتي اتصيح فرن فرن
وعالهزل نلتم
●●●●●
كل يتيم يكض يتيم...وفرن وربجن كريم
راح ابو الشيم...خيمة عالخيم...يايوفاضل
تعليقات
إرسال تعليق