اميرة الزمان رضا الاراكي كلمات مكتوبة

 

انـه الاميره ابكل زمن … بس الوكت خذاني
للماعرف شنهي الخدر … عـ الهزل و سبانـي
و الـنـهـر حـسم قـراره
أخــذ يمـنتـه و يسـاره
و انه ادري ميْتلي گمر … ألـمـن بـعـد اتـانـي

انه الاميره … بنت الهواشم
لا ضلي والي و ماكو اخيام

سد الهزيله … فـوگ الترابّـه
أخت ابو فاضل وسفه اتنام

بالهيمه العلويه و ماعندي افياي
فرجه ابين الوادم رايح و الجاي
شتحمل و الركضن مارحمن بيك
و شفافك ذبلانه و ما شارب ماي

(ه..☆☆☆☆☆☆☆☆☆☆☆ه..)

يمـشي الـدلال الـكربـلـه … مهيوبه ديره ديـره
محد عـرَّفّ عدكم أخت … يمكم چـنت اميـره
تـالـــي ابـطـرگ عـبـايـه
نــــوگ و هــزل سـبـايـه
هم شافت اعيونك گبّلّ … عثرت مرهّ و چبيره

بـين الشمـاتـه … و نعثر هضيمـه
و طـرف الـعبايـه اتـلـوحـه الـنـار

شگدر احامـي … امچتفيـن اديْـه
و فــزعـت عــليـنـه اكـبار ازغـــار

يا ويلـي المسبيه اتسـمينـي الناس
ايعرفوني امدللتك و اخت العباس
شمـسوي و هالوادم ما رحمت بيك
صـدرك يا متعيني ابحافـر ينـداس

(ه..☆☆☆☆☆☆☆☆☆☆☆ه..)

يا خويه حيل استهضمت … من گـالـوا الـغريبه
من شفتك اتگوم وطحت … چانت أشد مصيبه
مـنـهـا و اعـرفـت قــراري
لازم امـشـي بـ الـصحاري
محـد نـشـد بيهـه و ســأل … الچانت الك حبيبه

حرگوا خيامي … و فـزعوا علينـه
ويـن انـطي وجهي و نـار و خيـل

ما لايـگ الـنـه … ممشه الصحاري
چـا ويـن انـامــن و الـدنـيـه لـيـل

شتسوي الماعدها ابهالدنيه اخـوان
و الهيمـه المـا ترحـمّ حال النسـوان
شحچيلك والصارن هدن لي الحيل
بـ السوط اعله اطفالك خلْو نيشـان

(ه..☆☆☆☆☆☆☆☆☆☆☆ه..)

من طاحن اچفوف الگمر … أثـر علـيْ مصابّـه
ضيِعت ضعنكم بـ الـغربّ … نومتنه عـ الترابّـه
و الـزمـن حـچـه ابـأميـره
عـ الـهـزل مـشت اســيـره
شـام الشماتـه الـ بالقصر … و أقساهن الخرابّـه

عگبّ الـدلال … و ذيـچ المهـابـه
تـفـتـر امـــيـره ابـنـص الـسـوگ

شام الشماته … اطبول و هلاهل
مسـتحيـه چـانـت حـتـه الـنـوگ

يا عـلـويـه الـ گـبّلي امعـثرتـها الــنـوگ
بالهيمه أو لا خيمه و من سوگ السوگ
ذباحـك مـا كـفـه ابـذبـحـــــك و ارتـاح
فـوگ ارمـاح الشامـت راسـك مـعـلـوگ

(ه..☆☆☆☆☆☆☆☆☆☆☆ه..)

أميرة الزمان || هـادي شبيـب الخيگـانـي