📜 قصيدة :- حرمه و سبيه .
✍ كلمات :- الشاعر وسام الشويلي .
🎤 أداء :- الرادود محمد الجنامي .
💚◼️◼️💚◼️◼️💚
حرمة و سبية و عندي أيتام
و اشلون عيـــني تگدر اتنــام
من عگب المهابه .. اسكن بالخرابه
و اشلون عيـــني تگدر اتنــام
💚◼️◼️💚◼️◼️💚
شفت بكربله و الكوفه آلام .. خلت عودي ناحل
لكن مو مثل آلامي بالشـام .. گلبي جروح شايل
نصبوا للفرح جدامنه إعلام .. و أعياد وهلاهل
يرامونه بحجر بچفوف ظلام .. من فوك المنازل
ايرامونه من فوك البيوت
ذوله الخوارج أسمع الصوت
ياگلبي و مصابه .. اسكن بالخرابه
و اشلون عيـــني تگدر اتنــام
💚◼️◼️💚◼️◼️💚
من گد ما تشوف اوجوهنه الناس .. نتستر بدينه
و تتناوب علينه اسياط الارجاس .. يا وسفه انولينه
رأس احسين اخوي و رأس عباس .. دايرالنه عينه
و الصبيان ترمي احجار عالراس .. و يرامون بينه
حسين ابلحيته تلعب الكوم
و عباس رأسه بعمد مهشوم
وهاي انه بغيابه .. اسكن بالخرابه
و اشلون عيـــني تگدر اتنــام
💚◼️◼️💚◼️◼️💚
تحت نار الشمس و اعيون شمات .. عمداً وكفونه
اعله باب يزيد نوگف ثلث ساعات .. يالله ايدخلونه
اعله ابن هنده تطب الفاطميات .. بسلاسل يسحبونه
غايتهم يذلون العزيزات .. و ايسبون ابونه
آنه و عليل و حرام و أطفال
كل احنه مربوطين بحبال
بين ارذل عصابه .. اسكن بالخرابه
و اشلون عيـــني تگدر اتنــام
💚◼️◼️💚◼️◼️💚
شريد عتب انه والعتب ميفيد .. للبايعها ذمته
هاي آنه اويه وادم موش اجاويد .. ابن هنده وزمرته
الهضيمه الي شفتها بمجلس ايزيد .. والهم الجرعته
لسكينه العزيزه واحد يريد .. يأخذها الخدمته
عگب الدلال و بيت الخدور
يردونه نخدم بالقصور
ياخدري و حجابه .. اسكن بالخرابه
و اشلون عيـــني تگدر اتنــام
💚◼️◼️💚◼️◼️💚
غصه بگلبي لمن شافت العين يزيد .. إبن الدعيه
ابعصاته يلاعب ثغر الحسين .. و ايعاين عليه
يحاجيني و يكلي كافلج وين .. هاي أنتي سبيه
رأس هذا يمي واله چفين .. بأرض الغاضريه
اسكت شگله و ذاك عباس
كافل ظعوني بالطشت راس
ما أسمع جوابه .. اسكن بالخرابه
و اشلون عيـــني تگدر اتنــام
💚◼️◼️💚◼️◼️💚
سجنوني ابخرابه وعيلتي اوياي .. أيتام و ارامل
بيها من الشمس ما يحصل افياي .. مهدومه المنازل
يتفرج علينه الراح و الجاي .. و ايشوف الثواكل
لا زاد اليصح لعيالي لا ماي .. بس الدمع سايل
هاي التصيح المتن مجروح
و ذيج التگول شباقي بالروح
وطفله تنادي بابه .. اسكن بالخرابه
و اشلون عيـــني تگدر اتنــام
🔺 رابط الإنضمام للقناة : @Alwaili2 🔺
تعليقات
إرسال تعليق