الخيم بثيابي اثر نيرانهـه
اشم راسك وانت شم دخانههــــــــــــــــــــــــــــــــــــــ
بويه ياللحيتك بالدم ناگعـــه
زحمه اگلك عالتراچي الضايعه
بس انشدك والنواظر دامعـه
اعمامتك لو راية الله الواگعـه
وزينب اتفرهد ستر صيوانهه
اشم راسك وانته شم دخانهه
ــــــــــــــــــــــــــــــــــــــ
نحرك ابهاي الطريقه اشذابحه
ومن لحيتك شيبه يمكن طايحـه
بويه ياحلو المحاچي المالحـــه
اتعوفني بهذا المحل مو لايحه
اتموت كل ورده التعوف اغصانهه
اشم راسك وانته شم دخانهه
ــــــــــــــــــــــــــــــــــــــ
ماعرفتك يبو گلب الظامي
چان راسك عالرمح كدامـي
اتحن عليه وتنظر اعله اقدامي
اتنام عيني وماتنام الامـي
وشينوم الغارگه بأحزانهـه
واشم راسك وانت شم دخانهه
ــــــــــــــــــــــــــــــــــــــ
بالحلم مريتلي وگتلي تعـاي
يارقيه وللقصر طبي وراي
بوسي نحري ولحيتي وشمي دماي
وشكو بالدنيه شريعه وابيهه ماي
خل تجيج امگبعه ابتربانهـه
اشم راسك وانته شم دخانهه
ــــــــــــــــــــــــــــــــــــــ
يارقيه ومنچ ارجو المعذره
راح مـا اتبسم ابوجهـج تره
امن العطش صارن اشفافي مفطره
وبعصه الظالم اسنوني امكسـره
والعصه بخدي طبع نيشانهه
اشم راسك وانته شم دخانهه
ــــــــــــــــــــــــــــــــــــــ
اجه الراس وشافته وصار النحيب
وصاحت الطفله هله ابراس الحبيب
بويه شيب راسـي من گد المغيب
اوياك اخذني الدنيه ماترحم حبيب
چن حمامه وكسرو جنحانهه
اشم راسك وانته شم دخانهه
ــــــــــــــــــــــــــــــــــــــ
نامت اعله الراس نوم العافيه
نامت ولليوم ظلت غافيــه
خـــل نصيح الونه لامو كافيــه
السلامُ عله الطفله الحافيـه
وعلى الحضره الماتسد بيبانهه
اشم راسك وانت شم دخانهه
محمد الجماسي
#اللهم_عجل_لوليك_الفرج
تعليقات
إرسال تعليق