خادم كلمة عالمية|حيدر البياتي|كلمات مكتوبة

 

- من أصدار محرم الحرام (أيُقتل) 1445ه‍ للرادود حيدر البياتي -³

قصيدة | كلمة عالمية |

الرادود : حيدر البياتي
الشاعر : مصطفى العيساوي


خادم ، كلمـة عـالمية
خادم ، مبدأ و قضية

حُـسين يـٰا حُـسين

🎬〰〰〰〰〰〰〰🎶

قـَرينــه كـربـلاء رســالــة السـمـاء
أمـيــرة الأرض

شفناها سر عجيب مملوكة للغريب
مدينـة الرفض

قــال نبـــيُ اللهِ فِـي حـديــثـهِ لفـاطــمـة
سَيـخلقُ اللهُ لــــهُ بـشـر تـنـوح بــمـأتـمـه
يعني انخلقنه للبچي هذا الشرف مااعظمه
كلمـة تمنـاها الوحي كـلمـة جبيرة خـادمه

لازم ، يخـتم الهوية
خادم ، مبدأ وقضية

حُـسين يـٰا حُـسين

🎬〰〰〰〰〰〰〰🎶

يَمعطش الفرات ضامي وروه الحياة
موطنـه مـأتمـك

شـمسوي يـا ذبيح كـل البشر تصيح
إقبلنه نَخـدمـك

مو ميت نشوفك وطن وبكل شبر دولة وعلم
كلشي انتفض من كربله وبواقعك مات العدم
أصـل المـواكب سـيدي ذرة رمــاد مـن الخيم
عـابـس اكتبـه بالعكس نقـراها عنوان الخدم

الوادم ، تشوفه مرجعية
خـادم ، مـبدأ و قـضـيـة

حُـسين يـٰا حُـسين

🎬〰〰〰〰〰〰〰🎶

عَبـاسُك الكبير بإثـرهِ نَسير
قائدنه ابو الفضل

معلمُ الوفاء بجفوفه واللواء
بخيـامـه نستظِل

واليگعد بِفَي الخيم مو عجبه يصعد للقمر
عَلّمنه جَذاب العطش مادام الحسين النهر
عَلّمنه تكـبر رتـبـته كـلمـن تـواضـع للبـشر
عَلّمنه بالخِوة درس خادم لَعِد خادم ظـهر

راسم ، لوحة حيدرية
خادم ، مبـدأ و قضية

حُـسين يـٰا حُـسين

🎬〰〰〰〰〰〰〰🎶

جيش الخدم يصيح لبيكَ يا ذبيح
نكتبها عالنحر

تجمعنه كربـلاء مـن يعتلي النـداء
مَـهديُكـم ظَهر

نادينـه أيـنَ الطـالبُ بِـدم القـتيل بكـربـلـه
يمته يجي من غيبته وبيرغ ضريحه يبدله
أهل المجالس واللطم خدام الك وانصار اله
نزرعله گاع الطف ورد والدمعة تكتب ياهله

قــادم ، قـائـد البرية
خادم ، مبدأ و قضية

حُـسين يـٰا حُـسين

🎬〰〰〰〰〰〰〰🎶

عن روحي مو بعيد أقرب من الوريد
سَميتك أغلى حب

ماعندي كل حَبيب بس انتَ ياغريب
گلب سكن گلب

حبيتك ومـابالغت ودموعي شاهد عالعِشك
يا أغلى مِن هذا الهوا رية ونفس ما نفترك
نـارك بـَرد للينچوي بنـار العِشك خل احترك
حُب البشر شفتـه چذب بـس حبك الشفته صدك

هايم ، كلبي مو بيدة
خادم ، مـبدأ وقـضية
_