رحل
حيدر الفريجي
الشاعر كريم الدراجي
كل السوالف من تبدي بيك
تدري يابوية فراگك صعب
لا ليلي ليل و لا لي نهار
ومنين اجاني اشلاع الگلب
رحل
عافاني وحدي ورحل
دمعي اعله خدي نزل
وياك اخذني كلت
وتوسلت ما قبل
،،،،،،،،،،،
اخذني ولا تخلي الروح بوية حسين مشتاكه
شفت الموت والعباس من حادي الضعن ساكة
ودعت العلاوي او جان عود ابالي نتلاگه
وكسرت خاطري تنشاف من الباب للناگه
شيصبرة گلبي الشابع حنان
ماصدكت بيك اني انجرح
انته الوطن يا ماي الحياة
ويعطش اذا مر طاري الرمح
وطن
جنت اني اشوفك وطن
وخارطتة جان الضعن
يمك واخذتي الدمع
لمن خواتي اطلعن
،،،،،،،،،،،،
يرسم جرحة فوك النوك اشوفنه شكبر جرحة
واحد و الخيول هواي فزعت رايده تذبحة
وما ميزت من الشيب راس حسين لو رمحة
بس ميزت فوك التل عباية زينب الملحة
بين الخيم والتل اني اشوف
يكشفلي الطف عن ما جره
بين الترابه وبين الخيول
معقولة زينب هاي المره
طلع
طول اخته لمن طلع
كلولي بيها سمع
عالتله صاحت عليه
كالولي گام اوگع
،،،،،،،،،.
عليله ومن اشوف حسين اطيب وكلشي مابيه
هنه جروح ابوي هواي مو الف وتسعمية
نسو ذيج الحوافر ليش جرح الحافر بمية
لا تشكي الجرح للناس يلجم فقط راعية
الحافر يسحگة ويعبر عليه
وبعدة الحسين هنانه عدل
صوب الخيم ضل يرفع بدية
ويكلها زينب ما منقتل
ضلع
وسمعنه كسرت ضلع
وبجفوفة ناقص صبع
فزعتله زينب لچن
رجعها ذاك الفزع
،،،،،،،،،،،،،
اني جروح مرضي هواي بس جرح الحسين اكبر
عالي راس ابوي حسين كلشي اكباله ضل يزغر
الما حاسب احساب الماي يعطش باجر امن الحر
گالولي العطش اذاه چا هوه العطش يگدر
هوه الحسين الماي ابئديه
وماي الفرات يمد روحه اله
هو العطش ياهو اليدري بيه
هوه نعرف بس بكربله
بعد
عذبني بعد و بعد
حار الجرح مابرد
ونكسر ضهرة لخوه
اباب الخيم من كعد
،،،،،،،،،،،،،
اشّكد سولفو عل ماي صار العطش چتالة
صاحو ها حسينچ مات بس محد فزع شالة
ركضت زينب اعله حسين ختوخر الخيالة
هناكه تشيل اخوها اتريد بس حتارت ابحاله
ياطف ضعنهم كافي كلام
گلي شبقة من ذيچ الخيم
ما ادري ياهو الكاسر گفاه
حرگ الخيم ما ادري السهم
غُرب
زينب تضل بالغُرب
والناكه ما تنركب
المثل زينب حرام
كدامه من تنظرب
،،،،،،،،،،،،،
كريم الدراجي
تعليقات
إرسال تعليق