الخياله
أداء الملا محمد بوجبارة كلمات الشاعر حسن طاهر المعيبد 1445 هـ - 2023 مأتم النمر سيهات ~~~~~~~~~~ الخياله ماجت بالخيل طلعت شمس وسط الليل وارتعدوا السيّافه منهو الطلع يا ستّار بين (الحسن) و (الكرار) حيّرهم بأوصافه تموج .. غاضريه صفات .. هاشميّه (١) بالطف صفِن ذهن الزمن طب بيها (تاريخ الحسن) صفهم كتيبه .. كتيبه .. وابتدت (صفّينه) صاحوا: دخيلك إحنا نعرف هالعمامه لمّن تبسّم رجّفتهم لابتسامه سوّه القيامه من گبل يوم القيامه: (إن تُنكروني) فأنا شبلُ الشهامه (إن تُنكروني) من صاح .. صاروا يدورون ارواح .. أجساد بس خلّاهم رجّع عليهم (صفّين) .. صفّين تردم صفّين .. بأس (الحسن) راواهم الثبات .. والحميّه صفات .. هاشميه (٢) عالدنيا طبّت لآخره (حيدر) يدوّر (خيبره) شافوا وگفْته و نظرْته .. واعرفوا (فقّاره) صاحوا له: حيدر إي نعم گال آنا حيدر خلّه العساكر، چن رحى (ام احسين) تفتر لمّن ترجّل وبكتايبهم تبختر ظل كل شي اخرس بس صدى (اللهُ أكبر) أشجعها من عنده تهاب .. من وگفته، قالع باب .. ازغيره الحرب بعيونه حامي شبل حامي الجار .. سيفه شبل (ذو الفقّار) .. بس يا (علي) ينادونه فتوح .. حيدريّه صفات .. هاشميّه (٣) طب الصعب فوگ السهل ساووهم بشسع النعل شايل مهابه بشبابه .. جبل شايل قمّه نادى: (أميّه) عندي بس (احسين) غالي يهل الخيانه كلكم ارخص من نعالي من شفت (عمّي) [صاحَ بي عزمُ الرجالِ]: مصخت حياتي وباگي طعم الموت حالي گالوا لي مجتمعه صفوف .. وين الزلم ولسيوف؟ .. والخيل والخياله روحي وضميري والعين .. ما بيها بس عمّي (احسين) .. مشتاگ اموت اگباله الشعار … والهويه صفات .. هاشميه (٤) متوسّط الحومه، وگف يطوي الطرف فوگ الطرف بوگفة ثباته .. جهاته .. الأربعه مذهوله شيّب جمعهم من صرخ زين الشبيبه: كلنا فدالك يا حبيب الله وحبيبه صاح آنه (جاسم) و هلي اليوث الحريبه وصارت كتيبه ترتمي فوگ الكتيبه حتى النفس ظل محبوس ..تتلمّس بچفها الروس ..سوّاها يوم الصيحه أنفاسه كلها تسبيح ..ومثل السعف ساعة ريح ..تتراجف بتسبيحه يصيح .. آنا بيّه صفات .. هاشميه ****** (٥) طب بيها واتحشمه السمه يرجّع (فدك) يم (فاطمه) عالشب حطبها .. گلبها .. و(الضلع) يدعي له چان ارتجازه (يا لثارات الزچيّه) ومنّ المقاتل غصّت احلوگ المنيّه صاح: اختصرها بچلمه وحده يا (أميّه)(زينب) عزيزه وكل جحافلكم (سبيّه) و النقطة من تحت الباء ..هالتل عرش لـ(الحوراء) .. وما توصلون احدوده خلّوا الچفوف اعله الراس .. لو جبتوا اسم (العباس) .. سووا قيام لـ(جوده) الطفوف .. زينبيه صفات .. هاشميّه ***** (٦) (جاسم) مثل فعل الأمر سوّه بكتايبها الحشر شد العمامه .. وعمامه .. حيهم يصيحوا له شد نعلته ونادى أريد اكمل طوافي مو آنا ذاك الـ يدخل الأمجاد حافي بدد شمّلهم صاروا يصيحوا له: كافي صاح الا افرّح أمي بساعة زفافي بالحومه نادى (جسّام) .. خلصت عليكم لايّام .. يوم لمبارك يومي يگلها: ييمه اتحنّيت ..شبّوا المباخر بالبيت جهزي لزفافي اهدومي الجنان .. بين ايديّه صفات .. هاشميّه
تعليقات
إرسال تعليق