قصيدة ▪︎[ نستقبل محرم ] ▪︎اداء | محمد الجنامي ▪︎الشاعر | كرار حسين الكربلائي ▪︎مكساج | احمد البرمكي ▪︎ مونتاج | حسام محمد ▫️ عزاء هيئة وصال العاشقين ▫️ ليالي شهادة الامام الصادق ع 1443 ▫️ العراق -- واسط -- المضيف المهدوي
📃نستقبل محرم
🎤محمد الجنامي
📝كرار حسين الكربلائي
:::::::::::::::::::::::::::::::::::::::::::::::
بسم الله وبالله بسم الدمعه والآه
نستقبل محرم
حسين اول ما عرفتك سمتك روحي
يابو الروح الحنينه
بيك اسولف كل حياتي وآنه وعيوني شكثر
يمك بجينه
من الطفوله واعتنيلك امشي حافي
من البواجي والحزن ما اگول كافي
ماتگلي يابجي لنحرك يوافي
*********
حسين وداعة عيوني احبك من گلب ولسان
عندي المابجه بعاشور وحگ عاشور مو انسان
وحگ كل شيبه صابغها بخضابك
اصير انسان اذا ابجي لمصابك
ياراحة بالي عيشني بعذابك
علگ شديت دمعاتي اعله بابك
عاشور الحزن جاي وينه اليبجي وياي
جرحك سر الاعظم
***********
ماارتاح اله اوياك ماكو بدنيتي راحه
الما صيح لذبح احسين المن ضام اصياحه
محرم عندي احلى ايام السنين
هذني ايام بيهن ريحة احسين
اذا ما اللطم اتعاتبني الايدين
اللطم مو واهسي عندي اللطم دين
والماتلطم ايده ربك مايريده
گلبه وعمره اظلم
*********
سر بينك وبين العين كلما تنذكر تبجـي
جمالك والذبح ياحسين احير اگبالهن شحجي
كتبت اسمك جرح مابين العيون
وتطوف دموعي بين الحاء والنون
بكثر ما احبك امسودن يگولون
نعـم ابقـــى احبك خـــل يمـوتــون
عشگك بينه محبوس عقل ما خله بالروس
مجنونك يعظم
*******
يابعد اهلي وهلي ياحسين سر ومحد يفسرك
تره بيوم الخميس الروح تشتاگ لعطر گبرك
ياغالي المايصح شي بغلاته
بشر بس بالبشر ماكو بصفاته
يسلبونه ويغطيني ابعباته
يرويني وعطش تارس لهاته
من اعطش اكتبك والعباس احبك
هذا الحب مكرم
******
لو ما كربلا بالگاع الدنيه ابلا نفس لا صوت
كلشي بلا حسين يموت حتى الموت هم يموت
حريج اخيامه صيت مسوي للنار
انعرف طاري الجمر باجدام الزغار
تره صيت النهر من العطش صار
وبرد يم شيبته وجان الرمل حار
لعيونك يالحسين نبجيلك فراتين
شلون الدمعه تنظم
تعليقات
إرسال تعليق