رحيل | الملا محمد باقر الخاقاني - عزاء هيئة مجانين الحسين عليه السلام - العراق- البصرة
آه واويلاه واويلاه واويلاه
لم عياله ودلال اطفاله
كلام عيونه رحيل
تخطى اعتابه واميره ابابه
تصد لضعونه تشيل
يم بابه تباوعله وطاسة ماي بجفها
ترستها مدامعها واثر بي موقفها
كل خطوه جرح يبدي واولهن عايفها
بين يغمض عين عنها يصد عينه يزعلها
نار گلبه احتار يرجع لو مايرجع الها
شاب كلبه اعتاب يكسرها شلون الدللها
شلون يفتركون اب واعيون تتمناه
آه واويلاه وا ويلاه وا ويلاه
*********
گاطع هيمه لجنها الخيمه
لعياله اعيونه خيام
خدر مرتب وطفل لو يتعب
رغد بمتونه ينام
تنتظره يجي المغرب ملهوفه بحنيه
وببسمه يلاگيها تغفه بحضنه رقيه
يرجعه الها على الهيمه بس مو نفس الجيه
وين ظعن حسين يتغير مايبقه ابحاله
يعود بس الجود مايرجع وياه يبراله
ابراي لمن جاي وبلا راي اترد اعياله
يروح ممشى اجروح الظعن النوح يمشي وياه
آه واويلاه وا ويلاه وا ويلاه
*********
ابدرب اضعونه يصد بعيونه
لدلاله وامره يشوف
ايصد ليهم شنو متانيهم
الظعن تنتظره طفوف
يخفيها تعابيره من صوته ونظراته
ويعرفه شنو القادم والطف كله بذاته
بنياته يصد الهن ويعرف ببنياته
نار خيمه ونار ويركضن من ناره لناره
ازغار عنده ازغار مو مال اتركضها الغاره
ايصير هالتفكير لو دار اعله اطفاله انظاره
يشوف ليل الخوف يرجف اجفوف. للوياه
آه واويلاه واويلاه
********
الشاعر السيد
انور الموسوي
تعليقات
إرسال تعليق