دمعتي هامله كلمات مكتوبة
الملا محمد بو جبارة والسيد طاهر المكي
دمعتي هامله اصد يم كربلا
ازور حسين بارض الغاضريه
اظل احسب واعد وانا بنار البعد
ابث مولاي كل هاي الشجيه
يابن خير العمل يظل عندي امل
ازورك سيدي قبل المنيه
........
اشم لتربتك اطوف بحضرتك
اكحل عيني بالقبه السنيه
اصد صوب النهر ازوره للقمر
قمر عدنان عز الهاشمية
........
اروح ابمطلبي للتل الزينبي
اوصل زينب الحره الابيه
طلبتك سيدي بقلب ضامي وصدي
تمن بزيارتك سهل عليه
......
قسمت بفاطمه يابن حامي الحمه
وحق الطاهره الزهره الزجيه
تمنيت احضرت في يوم اتحيرت
تنادي بحسره انصار الحميه
......
اصد سهم الرده اذب عنك العده
تسيل دماي دونك عالوطيه
درع دون الطهر محامي للخدر
اصد دونك رماح السمهريه
اظل فوق الثرى جنازه معفره
ترض ضلوعي دونك الاوعجيه
فداكم يالولي انا ومالي وهلي
ولا تروح الطهر بعدك سبيه
...........
ادق صدري ونحت عالضامي وطحت
دموعي ابخدي لمصابك جريه
دموعي السايله لربات العلا
لزينب باليسر فوق الوطيه
حزن قلبي واشم لصدره المنهشم
مصابك سيدي اعظم رزيه
ماتم تنصب الك دمعي يصب
وسط قلبي الك ناصب عزيه
أسألكم الفاتحة والدعاء لروح المرحوم والدي
تعليقات
إرسال تعليق