اللهم يديم الخدمه | مسلم الوائلي | هيئة وصال العاشقين | 1443هـ
• قصيدة :اللهم يديم الخدمه • أداء : #مسلم_الوائلي • كلمات : محمد البطحاوي • هيئة وصال العاشقين | 1443هـ • المكان | العراق - واسط
اللهم يديم الخدمة
مسلم الوائلي
كلمات مكتوبـــة
ياقيمه عندي الي تظل لو ماكو هالخدمه
من دون الحسين اعترف صوره بجفوف اعمى
أنه من دونه زغير هوه خله براسي خير
لو ماكو هالخدمه
*********
ياشرف مابعده شرف لولاها اسمي مانعرف
اللهم يديم الخدمه
الخادم يصاحب دمعته موش اليصاحب شهرته
كلما يكعد يحجي باسمه
شيل اسم حسين وشوف روحك
حته الجاهل باجفه يلوحك
اتهده ها من تنعرف واحسب لكلشي حساب
اليوكف عدل ويه خدمته طول العمر ماخاب
كلشي عقبه ما يصير هوه خله براسي خير
لو ماكو هالخدمه
******************
بلا خدمته ماعندي اسم بدون الحسين ابقى رسم
حالي يصير بحال الوادم
محد يلاقيني بهله ولا القه روحي مدلله
عايشهن ذني الماخادم
الخدمه اتريد واحد بيها متعوب
وعلى مصاب الحسين يعيش مصيوب
للمنطي دمه ومنحره واعله الترب غافي
كون انه من الطم اله ايهدلن جتافي
آنه بافضاله امير هوه خله براسي خير
لو ماكو هالخدمه
************
احسين واليه العطش وانشال جسمه بلانعش
وامدللني وكلشي انطاني
لازم اخدمه بحرقتي وبالطف تصير حجايتي
مااحتاج احد خلاني
ويه حسين كل خدمه قليله
ماتوصل لصيحه من العليله
خلاني امير بعيشتي وكبرني عنوانه
لو ما وقفتي بمجلسه ماانعرف آنه
الخدمه سوتني جبير هوه خله براسي خير
لو ماكو هالخدمه
******************
لازم اخدمنه عدل الراحت اخته اعله الهزل
كون اكتل روحي اعله امصابه
احضر مجلسه من قلب وادعي الله مااتيه الدرب
اوقف مذنب دوم ابابه
بدون حسين ماتسوه حياتي
عبد عنده مطيع لحد مماتي
ولما وجوده بدنيتي جا كثرت ذنوبي
يالخدمته هيه تره سوت علق ثوبي
بس اله عيني تدير هوه خله براسي خير
لو ماكو هالخدمه
******************
اتقابل انه ويه الخدم نبجي على حرق الخيم
كون الطف ابالي وحاضر
نحجي ابمصيبة كربلا عن الحبل والسلسله
وعن حسين وماي وحافر
كون اقرا المصيبه وتبجي العيون
واذا اموت بعزائه هوايه ممنـون
اتمنه حسن العاقبه بالخدمه تلفاني
واخر اسم اسمه يظل دومه على لساني
من اموتن ما احير هوه خله براسي خير
لوماكو هالخدمه
**************
كلمات الشاعــر
محمـــد البطحـــاوي
تعليقات
إرسال تعليق