مو وحي السمه دمعة فاطمه
نزلت عالجوادين
دفعها المعتصم باب الزجيه
انكسر تاسع ضلع بالكاظميه
يازوار شنو صار
اكو ابيناتكم دمعه غريبه
بجي هواي شرط هاي
حظور الزهره معناته مصيبه
اجت ليه تحاجيه
اجيتك يبني وبكل خطوه شيبه
يعطشان يلهفان
يباقي اعله السطح جثه تريبه
ركضت شبكته مسحت دمعته
اقعد ياضوى العين
الزمن رد الزمن نفس الاذيه
انكسر تاسع ضلع بالكاظميه
**********
بالاخبار النبي احتار بعد مامات ابنه صاحوا ابتر
من الله عطاياه لمحمد جيت من الجنه كوثر
الشبه بان الرضا جان يسألونه عقيم وهاي اكبر
يتانيك فرح بيك مثل فرحة الهادي بجيتي واكثر
يمدلل ابو ما عندك اخو بيك شصاير الحين
مثل ما اني وحدي شصار بيه
انكسر تاسع ضلع بالكاظميه
*********
الزمن راد لبغداد المكاري ايقول لمن جان ضيفه
فلا ايعود تره اردود لان مرتاح والعز ابمضيفه
تصد ليه تحاجيه حرم جدي اعزملحه و رغيفه
جوابات بلاغات تذكرني بخطبتي اعله السقيفه
يالحجيك نبي يااعظم صبي عابر هالموازين
لان شافوك خطبه فدكيه
انكسر تاسع ضلع بالكاظميه
************************
تجي اتروح بجي ونوح شجاع الصبر بس جروحي كثره
معاناة حرامات يموت الخمسه والعشرين عمره
شياذيك العطش بيك يابعد اعيوني من مابيها سطره
على الدار الشمس نار الخدود اتشققت والعين حمره
انته كربلا وآنا العايله وجروحك صواوين
شبث رد ودفعها الغاضريه
انكسر تاسع ضلع بالكاظميه
********************
شنو يصير تعابير جسم ما يندفن بالحر ثلاثه
علي وين ابو حسين اغثني ياعلي وماكو اغاثه
اعله مظلوم بالهموم العقل حقه اذا يبدي اكتراثه
تناديك اثاريك العطش عدكم يابعد امك وراثه
عطشان وقضى راضي ابن الرضا بحكم الباري ماشي
سهم جود القمر راجع عليه
انكسر تاسع ضلع بالكاظميه
********************
انقفل باب عن اتراب ينازع ابني يتشهد سمعته
وانا وياي جبت ماي رفض يشرب ومتقصد عرفته
جواداه حسيناه صحت من صاح يا زينب سمعته
السطح فوق مثل نوق اجيب منين زينب تبجي سكته
تاج المشرعه اجفوفه امقطعه بس لو عنده جفين
اكيد ايقول اشيعنه بديه
انكسر تاسع ضلع بالكاظميه
********************
انا اليوم بالهموم لطمت الخد واجيت اويه الغيارى
بهالاجواء والاسماء اسجلها وانا اعيوني المناره
وانا هنا مثل ما ابرجب عالكاظم اعيوني اتجارى
اجي اردود العزا ايعود بنهاية شهر ذو القعده زياره
راح ابقي الالم صاحت يالخدم نتلاقه بالحسين
محرم صاح وين اهل العزيه
انكسر تاسع ضلع بالكاظميه
*******
الشاعــر
حمزه السماوي
تعليقات
إرسال تعليق