ياليل القهر هد حيلي السهر
قصة كربلا وسبي العائله
مرسومه بخيالي
..........
هالرواية الـ تنذكر بلسان فاجد
تكسر احساس القلم
لو ردت وصف الالم
بيوم واحد ينذبح سبعين واحد
يوم عاشر كربلاء الفاجعه
ذهل عن ماارضعت كل مرضعه
ذكريات خيام نار وفاجعه
وصوت كسر ضلوع بأذني اسمعه
هاي الذاكره ظهري تكسره
والجانو مثل روحي وبالفعل
شو عافوني تالي
.............
شفت من حرقوا على العيله المخيم
طفله تنحب واقفه طفله تركض خايفه
طفله مجروحه باذنها و ينزف الدم
عسعس الليل وبقينه بلا حمه
زينب تنومنه بس مانايمه
تفز كل شويه طفله حالمه
تريد ابوها وجثت ابوها مهشمه
نمنا امن النعس وينظرنه الحرس
من طاح القمر يم شاطي النهر
ماظل عدنا والي
............
وبصبح يوم اهدعش نزلت دمعتي
من دنت نوق الهزل ربطوا ايدينه بحبل
جفي مربوطه ويه جف ارقيه اختي
بالطريق ايقودنه كتم الحزن
قبالي ويضربون زينب عالمتن
تصيح ياعباس ياخويه وتون
حتى من سجب الدمع ذاب الجفن
والشامت شمت من زينب بجت
روس اعله الاسل ما ويانه اهل
وآنه بهاذه حالي
.........................
ويانه بس اعليل ويقوده برقبته
ناحل وصابه السقم دامي دلاله الهظم
يمشي قوه وبهض ثقل القيد جثته
لو تعثر جدمه يوقع عالترب
واعله ظهره ابسوط اشوفه ينضرب
واعله هذا الحال قضاه الدرب
يبتعد عن ديره وبديره يطب
اليا ديره يجي يسمو خارجي
واصلنه الصبر بدروب اليسر
ساهرنه الليالي
......
شفت كل هذا وبعد ماجاي حتفي
عمري هم ونايحه الف ذكرى جارحه
لسه جوية نار موجوده اعله جفي
حاولت انسه ويذكرني الوسف
جرح ضمدتوجرح ثاني نزف
سكنه آني والدمع لا مانشف
عاشر بكل يوم وبكل كاع طف
موتي امناطره روحي محيره
مكسورة جنح ياهم ياجرح
ماظل اعله بالي
............
عمري جان اخمسطعش بس همي اكبر
شيبت من الحصل صرت وحدي بلا اهل
واليعوف اهله يعيش شلون يقدر
بعيني شفت حسين طايح عالثرى
والشمر متربع يحز منحره
راد يسلب محبسه وحاول ترى
تالي مل وشفته قاطع خنصره
سلب محبسه بصدره يرفسه
يشتم فاطمه وحماي الحمه
وصوت الضحكه عالي
كلمات
كرار حيدر الخفاجي
تعليقات
إرسال تعليق