يا سامع الصوت صـلـوا عالنبي
هالليله تـزويـج فاطم مِـن علي
-
(١)
غَـرِد يَـ طـيـر ابهل خَـبَـر خل تِـسـمَـع البَريّه
أهل الأرض واهل السِمَه مَـدعُـوَه هالمسيّه
العقد الـقَـران الـي جِمَع أشـرف بَشَر سِويّه
زَوَج رسـول الله عـلـي للـطـاهـره الـزچـيّـه
رفعوا الـهـلاهِـل يا أهـل السِمَه
أعظم عريسين علي ويّ فاطمه
-
(٢)
بَـخِّـر يجبريل الوَصي اُو رَتْــلِ التِلاوه عِندَه
واِبـ "قُـل اعـوذُ" حَصِنَه عَـنِ الـذي يِحِسدَه
هنياله رَبَــه اَكـرمـه و رافـع مَـقـامـه عِـنـدَه
خـلاه بَـعـلِ الفاطمه وطول العُمُر تِـسِـنـدَه
يـا حـيـدر الـيـوم رَبَـك فَضَلَك
أهدالك الخير من عَرشَه إلَـك
-
(٣)
يـا حُــور زِفـوا و ابـفَـرَح هالليله "أُم أبـيـهـا"
وطِـشـوا مـن الجنة وَرِد خَلَه اِيـتـبـارَك بيها
هاي الجليلة الطاهرة مَـحَـد گِـدَر يِـدنـيـهـا
لا "زيْـد لا عَمرو" فقط حيدر يِـلـوگ اِعليها
رَبِـچ يَـ زهـراء مـن عَـرشَـه أُمَـر
يِصبَح حَليلچ "علي خير البَشَر"
-
(٤)
الحيدر علي وَيْ فاطمه فِرشوا البِساط الأحمر
يِمشون وانـشـوف النبي اُوياهم دليله اِستبشَر
يِـعـلـم بعد مُـدة الـفَـرَح اكـثـر يِـزيـد اُو اَكـثـر
مِن هالزواج إلهم يَجي زيـنـب شَـبـيـر اُو شُـبُـر
من هل كريمين لا بُـد الثَمَر
الله هِداهم قـمـر يتبع قـمـر
-
عبداللطيف خالدي
١١-٦-٢٠٢٠ مـ
تعليقات
إرسال تعليق