ليلة28ذو القعده 1443هـ
العتبة الكاظمية المقدسة
أداء : الحاج باسم الكربلائي
يادنيا تاسع نور قرانه ظل مهجور
هاليله من عاشور ظلمه بلا قمر
ماندري مات انسان لوكعبه لو قران
لوسورة للرحمن سممها البشر
***********
حب ال النبي الاطهار بانفاسي
ولهذه السبب ما دنكت راسي
اقدم منحري وما اراجع احساسي
واعطش من اجلهم عطش عباسي
من روحي تطلع روح لو اقره عالمجروح
لو مسبي لو مذبوح منهم عالثرى
**********
بفراق الجواد ادموعي احس بيها
بس يعقوب يوسف قلبي باجيهـا
ولا بس آني فاطم ناعي اواسيها
الحجه ابن الحسن هاليله ناعيهـا
هاليله عزرائيل وي دمعي دمعه ايسيل
وينادي جبرائيل مات اعظم بشر
خدامه حزنانين بمصابه مفجوعين
ياشجره من ياسين يا اعظم بشر
*********
بالعشرين عمره وحاربو عمره
شاب وشرب سم الموت من زغره
واحلى سنين عمره اندفنت بقبره
قمر فارقنا واحنا بعازة القمره
من زغره فارقناه والغالي ودعنـاه
وبدمنه خليناه يجري وي الدمه
لا والله ماننساه ولقبره نتعناه
وبعطره لو زرناه ريحة فاطمه
***********
شباب ومن جماله اليوسفي اتوده
اذا نزلت دمعته ينجرح خده
ورد مات بربيعه ومن ذبل ورده
ظل عطر النبوه يفوح من عنده
تشتمه من اتزور بترابه طف عاشور
يابابه ما مهجور قبله لشيعته
ماردله كل طلاب ويكرمه دون احساب
بس ينخه يم الباب تخلص حاجته
**********
اخذ من عيسى علمه ومنهجه وطبعه
بالسبعين عمره وجان ابن سبعـــه
اخذ من يحيى سر الحكم والرفعـه
ولا واحد قدر من حق علي ايمنعـه
ياعمره سبع سنين بس عقله بالسبعين
بالعصمه جان الدين من اخطر زمن
واسلامه هوه اسلام من امره للحق قام
واتلقه صدره سهام من اهل الفتن
*******************
صعبه اتشوف عينك شجره معصومه
سم يسقوها حتى تموت مسمومه
نواياهم بني العباس مفهومه
لو يرجع احسين اتسلبه اهدومه
واتقله المن جاي ماعدنا يمك راي
وتمنعه عن الماي وتعيد السبي
يادوله ضد الدين قادتها ملعونين
غداره معروفين ضد بيت النبي
********************
شوف الكاظميه المن قبس نوره
شعت وبكرامه قبره معموره
ياباب المراد الكلمن ايزوره
لو ما قبته كل بغداد مهجوره
ياقبله للوفاد بيه تزهي كل بغداد
ويعوضه ربك راد مايرد سائله
والباري كل شي انطاه ويعادي من عاداه
ويوالي من والاه باعظم منزلــــه
*********
كلمات الشــاعر
ناظم الحاشي
تعليقات
إرسال تعليق