يَمالك هالعُمُر .. إلـك نـاذِر نَـذُر
مِـن المَهدِ إلـى اللَحدِ حُسيني
(١)
اِفتَحِت عيني على رَسمَك .. و على إذنـي اِنتِلى اِسمَك
كُـبَـرت آنــه و كُـبَـر وَيــاي .. حُـبَـك ســيــدي اُو هَـمَـك
شِفِت مِـنِ الـزُغُـر عَطفَك
على راسـي مِـسَـح چفَك
وَحـي اِتنَزَل عَـلَـيْ طَفَك
حـسـيـنـي
اِعله حِزنك آنـه تَـربـيـتـي
الـمـآتـم مِـن زُغُــر بـيـتـي
الـحَـمِـد لله اْنعُرَف صِيتي
حـسـيـنـي
الـعِلاقة اُويـاك مـو قِصة .. حـوائـج وِ انـتـه تِگضيها
عـلاقـتـنـه عَـهَـد للموت .. عـيـنـي اعليك اَجـريـهـا
اِبدليلي المِنفِجِع .. اُو جِفِن يِجري الدَمِع
مِـن المَهدِ إلـى اللَحدِ حُسيني
-
(٢)
يِـسألوني اِجـيـت اِمنين؟ .. أصلَك وِ انـتـه مِـن يا دِيـن؟
أنـا مِنِ الـبـدايـة اْحسين .. و لحد يوم المَمات اْحسين
بَــقــايــا آنه مِن طِـيـنـك
مِن زُغـري تحت عـيـنـك
يِـمـيـني لازِمَـه اِيـمـيـنَـك
أحــبــك
يَـآسِـرنـي اُو اَريـد اَكـثَـر
يِظَل هذا الـعِـشِـگ يِكبَر
مِـنِ الدنيّه إلـى المَحشَر
أحــبــك
دَخـيـلـك لا تِـخَـلـيـنـي .. خِـلافَـك عِـيـشـتـي ذِلَـه
أنـا ابهَل دِنيّه بَـس بابك .. وَ حَـقَـك سـيـدي اْنـدَلَـه
سَنَه تِلو السَنَه .. على بابَك أنا
مِـن المَهدِ إلـى اللَحدِ حُسيني
-
(٣)
يَـمَـن حُـبَـك سِـكَـن بِـيّـه .. اِبخيالي اُو روحـي والريّه
يِـجـي يوم اُو بَعد تِصعَب .. زيــارة كــربــلــه اعـلـيّـه؟
يَبو الأكـبـر تـرى صَـعـبـه
الـيِـحِـبَـك يِـنـكِـسِـر گلبَه
حِـلـمَـه اِبـديـرة الـغـربـه
يِـــزورَك
المِتعَوِد يِـجـي “الـحـائـر”
يِـظـل اِبــغُـربِــتَــه حـايـر
دَواءَه الـكَـسـرة الـخـاطـر
يِـــزورَك
عليك الي اْنسِبَت للشام .. اُو عاشت حسرة العاشر
اَريــد الـكـربـلـه اُوصَــل .. وَ اظَـل طـول العُمُر زايـر
واجيك الأربعين .. حبيبي يا حسين
مِـن المَهدِ إلـى اللَحدِ حُسيني
-
عبداللطيف خالدي
٤-٧-٢٠٢١ مـ
تعليقات
إرسال تعليق