التراث الاهوازي اه يبني الولد يبني | الرادود محمد الجنامي
• قصيدة [ اه يبني الولد يبني ] • أداء : الرادود محمد الجنامي • كلمات : الشاعر المرحوم اسماعيل الفيصلي • عزاء هيئة الشاب الحيدري السنوي • ذكرى شهادة الإمام علي الهادي عليه السلام • حسينية الشيخ أحمد الوائلي (العراق/ واسط _ الشيشان )
اويلي من لفت ليله للاكبر شابجه ايديها
تقله امك يابعد امك ماتقعد تحاجيهــا
......
بعد شتامل اخلافك يعقلي ويانظر عيني
ياهو الينهض بحملي وياهو الي يحاميني
ردتك للقبر يبني على متونك توديني
شلون البين خلاني انوح احذاك تاليها
.....
تمنيت العمر يبني يطول وكون اشوفنك
عريس ويزفونك عمامك وآنه احضرنك
ماظنيت يوحيد نصيبي ينقطع منك
اشوف بعيني اجفوفك من ادمومك محنيها
اه يبني الولد يبني اه يبني الولد يبني
.......
ثبتت دعوتي وظليت عدله ولا متت لليوم
لاجن خابت اظنوني منك ياعميد القوم
لا جني اتعبت برباك ذاك اللي حرمني النوم
تمشي ولا تقول. امي تعبت وارد اجازيها
...........
جزاي اقعد يابعد امك اشمك وانظر رسومك
وامسح دم البراسك واعصبك و اعدل اهدومك
يبني ولو يصح بيدي ردت يومي قبل يومك
لكن هاذا المقدر عليك ابنوح اقضيهــا
.......
حياتي من بعد عينك يعقلي ايكون معدومه
شجاوب من ينشدوني وين ابنج يمظلومه
كون بكربلا مطبر ومنه تشخب ادمومه
مشينه وجثته تمت تراب البين غاطيها
.......
خابت ظنتي منك ولا ظنيت ظنتي اتخيب
اشوفنك قبل عيني بدر سعدي وترد اتغيب
يبني ان جان اعوفنك عسى قلبي بسهم ويعيب
ولااظلن عقب دنياي استلذ بيها
اه يبني الولد يبني اه يبني الولد يبني
......
دليني شقل للناس لو قالو يليله اشلون
جيتي وعفتي المدلل على الغبره ولا مدفون
على الخدين دم راسه يسيل وبالقلب مطعون
اقولن ردت اظل يمه وشال بليل حاديها
اه يبني الولد يبني اه يبني الولد يبني
........
اه يبني الولد يبني اه يبني الولد يبني
لكن جان الج هيبه وباللازم تندهينه
شلون اعله الثرى مطبر تمشين وتخلينه
اقولن ردت اودعنه وقالو لا تودعينه
يصير بليل ممشانه جثثهم ما نمر بيهــا
اه يبني الولد يبني اه يبني الولد يبني
.........
الشاعــــر المرحوم
اسماعيل الفيصلي
تعليقات
إرسال تعليق