يوجعني گلبي الله والاحد ضيعوني
شمتانيات وما عميتن ياعيوني
سوولي حل لو اموت لو هسه تجوني
گلبي المجمر ينطفي بحجـايه منكم
بقمة ضحكتي وجفني مامسدود بابه
وابجي بمكان الما بجاكم بالنيابه
الفارقله غالي يشوف ضيم الله بغيابه
تخنگ تره مو الاوليه بيوت اهلكم
آنه اول بنادم على صحبانه منفوس
مو الاشگر الحنطاوي بيهم جنـه فانوس
كشاخه كالساعه بشكل جنحان طاووس
گعدولي دمكم بالدوائر صاير فلوس
تعالولي صوركم ماتسد عازه
امشمر دمعي مثل احبال الجنازه
رجليه مثل رجلين الميازه
وماثنيت وگفه وكاض اصفاحي
..............
لحگولي ما طول منيتي اليوم باجـر
يلومونكم لو غمضت مكسور خاطر
رجعولي بجفوفي القلق ما خله اظافر
والراحه لا حس لا خبر طارت بعدكم
......
وداعة دمعتي الثابره اعيوني بجفاكم
مو زينه صحتي وكاره الدنيا من وراكم
هااا يالابعاد شگلتو ما الله هداكم
ترضون هالگد ينشلع گلب اليحبكم
يالماخذين العافيه وياكم يالحنان
سوولنه بالمگبره وياكم امجــان
ايخصوني بواد السلام هواي صحبان
ثاري الفراگ المغربيه مو حجي السان
شيخلص الليل اطلابته اطلابه
مثل الصم ملح رشو على اصوابه
مدري شلون يمشي الماتوا اصحابه
من بعيد تلمع دمعة اعيونه
الشاعر السيد
رفعت الصافي
تعليقات
إرسال تعليق