سلام.... يارئيس الحب الك سلام
عن بعد بس روحي لا قريبه
مزار .... بروحي يالصادق الك مزار
واعله قلبي قبتك مهيبه
نجيك.... ان شاء الله بقوة علي نجيك
قربت ويرونها بعيده
بأمان.... والمقدم صاحب الزمان
ونمشي لامك فاطمه الشهيده
ينرفع.... الاذان الفاطمي ينرفع
واشهد ان علي تنسمع
بالبقيع الوضع غير الوضع
********
اللهم عجل لوليك الفرج
********
بعيد.... درب قبرك سيدي بعيد
وافترض يقصر واحل رحابه
ششوف.... لووصلتك بالدمع ششوف
غير بس اسمك على الترابه
غريب.... عشت بالغربه ورحت غريب
وانت سيد مذهب وامامه
حرام.... قلب يصرخ يابشر حرام
ابن حيدر هذا مو مقامه
ينعرف.... يمتى قدرك سيدي ينعرف
وين راح امجازه ذاك العطف
يالسقيت المعرفه بكل حرف
***********
اللهم عجل لوليك الفرج
************
حنين.... كل جفن باكي على الحسين
وكل قلب عايش حزن خيامه
مراد....قلب كلمن لابس السواد
وامنية كل شائق لامامه
يروح.... للبقيع بقافلة جروح
وعينه تنثر عالدرب بجيها
يشيل.... رايته من مرقد الكفيل
ويالثارات الخيم عليهـا
للعطش....هالدرب يخلص نعي للعطش
برحمة الهم بالدموع انفرش
ليوم عاشوراء وصبح اهدعش
***********
اللهم عجل لوليك الفرج
**********
الرحال.... امنيتي اشد لك سيدي الرحال
جايب امتاعي قلب مواسي
بأنين.... ناعي الك مصيبة الحسين
وانثر من اترابك اعله راسي
اصيح.... بصرخه مرحومه وقلب جريح
مر وقل للاعضم الزكيه
محال... يطيب عيشي وبالطف دلال
غربته اخيول آل اميه
لاهنه....الطيف العيش بعد الطف جذب لاهنه
ويه بيرغ عالشريعه انحنه
وي ظعن يبجي اجه لموطنه
*********
اللهم عجل لوليك الفرج
**********
الشاعر السيد
انور الموسوي
ليالي استشهاد الامام الصادق عليه السلام
مجالس شهر شوال 1443هـ2022
عزاء هيئة لواء الزهراء عليها السلام_الاهواز_ايران
تعليقات
إرسال تعليق