صوت الداعي مصطفى الربيعي كلمات مكتوبة
صرخه من اعماق الوجدان
من اشرف خلق الرحمن
للحق انكتبت برهان
وللامه تريد الاصلاح
صوت الداعي الليله شصاح
*********
صاح حسين الحق بصفنه
ولا مايتغير موقفنه
وهيهات الذله توالفنه
وماتحرفنه الارباح
صوت الداعي الليله شصاح
*********
نريد بدمنه الدين انحفظه
منساوم والعار انرفضه
ونبقى انجاهد لاخر لحضه
الموعد لو طر المصباح
صوت الداعي الليله شصاح
***********
باجر لو حلت ساعتها
والفرسان اتطب حومتها
خلي اعدانه اتعد عدتها
وخلي تجيب شعدها سلاح
صوت الداعي الليله شصاح
*************
واحنا من حسين اتعلمنه
لاجل الدين انرخص ابدمنه
احرار ابدا ما ساومنه
بيرغنه يرفرف ما طاح
صوت الداعي الليله شصاح
*********
وباجر لو صار التطبير
بالك تتعجب واتحير
عن هالسر تطلب تفسير
ولمن نطـــــبر نرتاح
صوت الداعي الليله شصاح
***********
نلطم ونهل الدمعات
ياحسين اتصيح الاصوات
ما يكفي انطبر هامات
احنا بحبك نفدي ارواح
صوت الداعي الليله شصاح
**********
الشـــــاعــــر
السيد سعيد الصافي
تعليقات
إرسال تعليق