بلا عمامة - الملا محمد بوجبارة
كلمات مكتوبة
گايل لاتنوحي .. لوكثرن جروحي
وشلون انسه روحي .. وانه روحي عباس
حين ودعني كفيلي ... عيني ضلت عالايدين
گمت اكله يابوفاضل .... ريت عميه ومالي عين
من اشوفك خويه چني ... شفت أمير المؤمنين
بلا علي وعباس ابگه ... ولا حسن عندي وحسين
گلي يالعقيله .. عباس اندعيله
هالفرگه طويله .. آيا غدر الانجاس
خطـوته الاولى مـشاها ... عالارض رسمت حـبال
ثاني خطوة اسمعت صرخه ... راح هاليوم الـدلال
گتله خويه خلي مـنك ... بالخيم صورة خيال
گلي راح اتجيچ راية ... سهام متروسة ورمال
گلي لا تجيني .. ليـذبحـچ ونيـني
خوفي اتشاهديني .. وانه بآخر انفاس
هيه ساعه حسين أجاني ... وشفت دم بيده يسيل
گلي مو دمي الـ بديه ... هذا دم عين الكفيل
لون شاهدتي اللي شفته ... چان گلتي مُستحيل
منهو يوصل راس اخونه ... هذا أبن حامي الدخيل
راسه ابلا عمامه .. مهشومه عظامه
والطبره علامه .. ضلت يختي عالراس
الجيش ضل يحچي عليه ... هاي زينب بالطفوف
شوفوا ماعدها محامي ... عالجثث گامت تطـوف
روحوا يمها واضربوها ... وگيـدو منها الچفـوف
ولون ماتمشي ابسبينه ... نسحگ حسين وتشوف
خل نحرگ گلبها ..ونتوله سلبها
والعسكر يسبها .. ماضل الها نوماس
گلت اروح المي اشوفه ... بلچن ايرد لو اجيت
من نظرته رحت يمه ... عالوجه مثله هويت
گتله گوم اعليك امي ... ابحال اختك مادريت
حسين طايح بالمعارى ... وانه بس وحدي بگيت
صوته ماسمعته ..ضل يتلوه سكته
يدري انه اخته .. وحدي بلايه حراس
انه متعجبه بسكوته ... غيرته طاحت معاه
ظهر صوتي من رحيله ... گمت انادي خويه آه
شمر ماهو ابعيد عنه ... گلي لا اموتچ وراه
حسين اخوچ اگطعت راسه ... وسيفي يگطر من دماه
احچي وصوتي عالي .. ماضل عندي والي
وما گاموا رجالي .. بس حاطوني ارجاس
أسألكم الفاتحة والدعاء لروح المرحوم والدي
كلمات الشاعر : عبدالله بوحمد
تعليقات
إرسال تعليق