القصيدة؛[طِلَّع سَهَم]
الرادود ؛ مُحَمَّد الجنَّامِيْ
الشّاعر؛ سيد عبد الخالق المّحنه
~~~~~~~~~~~~~~~~~~~~~
رسَم نَهر لِحسّينه
نَهر يظل عبر دَرس للخوَة
يصّب وِفَه،شَرّف،كَرَم،ومروة
~~~~~~~~~~~~~~~~~~~~~
حبيتك وفه امدد عله چفوف الكرامه
چفك يمتد أبلا حد يوصل للأفق وأبعد
تسلم ما ردت تسلم لجل نبقه ابسلامه
طولك بيرغ امروه يرف ابصيحة النخوة
ظهرك شايل الدنيه تكسره دمعة الشكوه
يا اترف تتوصف يا نسمة برد بالحر
يا أصعب يا أعجب عودك لو عطش يخضَّر
حرز شرف خليتَك على الأسم حَبيتك
ألك اثر ارض سمه حاضنته
اذا أحس خَطر شفت ذاك انته
ولا صِحت ها وَينك
~~~~~~~~~~~~~~~~~~~~~
زينب من تباوعلك تطمّنها بوجودك
انته أبن النبي ايكلگ أركب فدوه اروحن لك
الله اليعلم شكبرك ولا نعرف حدودك
ما شفنه اخو قبلك يوافي ومستحي من اخته
ما شفنه وَفي يروي عياله و يابسه شفته
يالطايح ما طايح صاعد والخيم طاحت
يالرَّايح ما رايح بس زينب سبي راحت
دمع خدر بزنودك
نحر طفل يم جودك
ولا صحت ولا تهم بجروحك
لأن بقى اخو أعز من روحَّك
رغم گطع چفينك
~~~~~~~~~~~~~~~~~~~~~
افرس و اصيد و أرهب رغم هيبة جمالك
من الصعبة ما تعجز من تمشي الأرض تهتز
كلشي بيه نفس يچفل اذا يبرز خيـــالـــك
كلما ترخص العشره اشوفك مستحه وچلمه
خوة غيرك ابوادي يحادي وخوتك قمـه
ما تخفي حسراتك بعيونك عطش غيمه
تتصبر تتعذر وابصدرگ حَرگ خيــمـــه
ولا شفت دم هامك
شفت خَطر بخيامك
چنت أخو حرس ذخر للأصعب
فلا عجب اذا بچت دم زينب
خجل طبع بجبينك
~~~~~~~~~~~~~~~~~~~~~
~~~~~~~~~~~~~~~~~~~~~
📜 القصيدة: عذراً يا زهراء 🎤 أداء: محمد الخياط ومحمد فريدون 🖋 كلمات: ابو جعفر العبودي ~~~~ زهراء مدد زهراء مدد ~~~~ يا زهره بالروح جلمه سمحي اناديج يمه .. عذراً يزهراء عايش على خير حبج مذنب وانه احتاج گربج .. عذراً يزهراء يالزجيه .. لا تطرديني لحظه اسمعيني .. عندي كلام جمره بيه .. حبج يزهره بس انه انظره .. برد وسلام ~~~~ يم بابج اليوم واگف بس انه خجلان خايف .. عني تصدين ماظن اذا جيت نادم ما انحسب ليج خادم .. عني تصدين كل حياتي .. بين المجالس وسوادي لابس .. راجي القبول امنياتي .. يكثر جنوني ويلقبوني .. عبد البتول ~~~~ يالتعبي وياج يسوه يالعيشتي وياج حلوه .. خليني بحماج كل منبر عليج ينعه اگصدله ملهوف واسعه .. خليني بحماج دامي صدري .. وتبگه العلامه اليوم القيامه .. دمي يسيل وانه عمري .. لجلج اسلمه وكل الاقدمه .. ادري قليل ~~~~ كل حاجه تگضين ادري وانتي تجبرين كسري .. لا ما تقصرين تدريني محتاج امنج لو اطلب هواي منج...
تعليقات
إرسال تعليق