بالتعاون مع صفحة العبرات الحسينية
خدمة محبي باسم الكربلائي تقدم
📜قصيدة: ابصدري حچي
✒️الشاعر: ميرزا عادل الأشكناني
📀اصدار: محرم 1445
https://t.me/m7bebasim/53165
ابْصدري حچي محترگ ما ينحچي
ابعيني دمِع مختنگ ما ينبچي
ابروحي جرح ما ينشرح
▪️▪️▪️▪️▪️
ابليل اهدعش صارت رَماد اِخيْام و اگلوب
او وجْه الله وجهه امخضَّب او عالوجِه مگلوب
طبْع الحرب بين الزِّلم طالب او مطلوب
لاچَن بناتك يا علي ما إلهن اذنوب
گُول الزِّلم للوِتِر تطلب دِمه
اشذنب الطفل بالسّهم نحره انِرِمه ؟
دمّه اليسِح ما ينشرح
▪️▪️▪️▪️▪️
ابطيِّ الأرض هَب ريح رحْت لْدَفِنْ سلمان
او سبعين جثّه اليوم عندي اتريد دفَّان
المُغني البَشر من العطايه ابعازة أچفَان
او فارس الميدان اعْله صدره انْلِعب ميدان
ما ظل عظم بالجسد ما منفصل
و لهالذبِح يا علي اشتاخذ فصل !؟
فصْل الذّبِح ما ينشرِح
▪️▪️▪️▪️▪️
امصاب الذي شفته فلا ينوصِف شَرحه
شحْچي او كتاب الله تمزّگ صفحه صفحه
و الرّيح عاصف و انتثر بالكون جَرحه
شِي بالحوافر راح شي راح اعْله رُمحه
أربَع فِرَق حاطِته او ما تنحصي
اسيوف او نَبِل و الحِجاره و العِصي(1)
او طعْن الرمح ما ينشرح
(1)عن الباقر (ع) ... [ولقد قتلوه قتلة نهى رسول الله صلى الله عليه وآله أن يقتل بها الكلاب، لقد قتل بالسيف، والسنان، وبالحجارة، وبالخشب، وبالعصا ولقد أوطأوه الخيل بعد ذلك..] بحار الأنوار 45 / 91 , وإنّا لله وإنّا إليه راجعون !
▪️▪️▪️▪️▪️
الساني انعگد عِگدةِ الطوگ ابچفِّ ادِيَّه
و اِصْياحي سكته ايصير من هُول الرزيَّه
ودّيت طارِش للنّجف .. دمعة رقيَّة
او عِجبه الذي ردِّ الشمَس ما رد عليَّه !
لحِّگ عَلَيْ يا علِي لحِّگ عَلَيْ
فِل حبلي من رگْبتي و اچفوف إِدَيْ
ابجرحي مِلح ما ينشرِح
▪️▪️▪️▪️▪️
من أنسأل أسْكِت و أصِكِّ النَّاب عالنّاب
او نوبه السُّكوت ايصير أبلَغ من الِجواب
ابْناتك يبو اتراب اگعدَن تالي اعْله التراب
و انشِد على زينب زَمنها اشودَّه و اشجابْ
إلمن بعد انتخي او وين أتّجِه
الماله أبو اْو لا أخو ماله وجِه
كسْر الجِنِح ما ينشرِح
▪️▪️▪️▪️▪️
ذكر لبم يا على تا شهر شام
درد دلم مخفيه تو گریه هام
دارم نوا...بابا بیا
▪️▪️▪️▪️▪️
بابا به فریادم برس با ذوالفقارت
جز گریه هایم هَستِیَم رفته به غارت
داری خبر رفتم چهل منزل اسارت
زینب کجا و کوچه بازار و جسارت
دست حرم زخمیه از سلسله
پای همه غرق خون از آبله
یا مرتضی...بابا بیا
▪️▪️▪️▪️▪️
ذکر لبم يا علی تا شهر شام
درد دلم مخفيه تو گریه هام
دارم نوا...بابا بیا
▪️▪️▪️▪️▪️
در شام دیدم مجلس نامحرمان را
اشک خجالت بر رخ آن دختران را
دیدم لب عطشان و چوب خیزران را
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱
تعليقات
إرسال تعليق