قصيدة | قرآنأداء | مرتضى حرب
كلمات | السيد عبد الخالق المحنة
_____
قرآن.. قرآن.. قرآن.. قرآن
بين اخيامك والعدوان
شفتك زمزم بس عطشان
شفتك انسان او قرآن
قرآن.. قرآن.. قرآن.. قرآن
_____
شفت المسافه سهم وانت مشيت ارماح
خفاش اجو للكهف وانت جنت مصابح
جيب اليشوف الفرق بين الثبت والطاح
والبي صفه بس يجي اعمه اليكلك راح
شفتك وحدك بس اهواي
شفتك ماي ورايد ماي
لا صحبان ولا خوان
شفتك انسان و قرأن
قرآن.. قرآن.. قرآن.. قرآن
_____
يلواكف بلا ضهر حگ الشريعه احزام
صدرك مضيف الحسن بس الضيوف اسهام
كل ضامي يبجي عطش وانت بجيت
اخيام
جنك صلاة الصبح والما يصلي ينام
صوت طبول وركتض خيل
سهرو ويا ابليس اليل
نامو وي صوت الاذان
شفتك انسان و قرآن
قرآن.. قرآن.. قرآن.. قرآن
_____
سدو عليك الدرب يلماتسد الباب
تتمايل من الوفه بس التشوف ذياب
شد اعله جرحك ملح بس لا تشد اعتاب
ناس وعماها الحقد حتى الصدك جذاب
انت الكعبه وهمه الفيل
بس الكافر بيك يعيل
ضاعو بس انت العنوان
شفتك انسان و قرآن
قرآن.. قرآن.. قرآن.. قرآن
_____
تهتز اشوف الارض يعني الجروح اثكال
وعيونك السولفن قصه يسر وحبال
جان بسكوتك حجي وبطيحتك خيال
نفس الالم بي تحس بس الجروح اشكال
مامهتم لسيوف اعداك
جن باقي العباس وياك
وحدك قائد والسلطان
شفتك انسان و قرأن
قرآن.. قرآن.. قرآن.. قرآن
_____
سبعين الف من حجر بس تنحسب علناس
باسو جفوف الخزي من كطعو التنباس
فكرتهم ابن الصنم ببن البني ينقاس
من يمته صار الجدم يتقارن اويه الراس
لو ماجفك دك الكاع
تخسف بيهم والكل ضاع
يابو الرحمه والاحساس
شفتك انسان و قرآن
قرآن.. قرآن.. قرآن.. قرآن
_____
يالواجهتهم نبي وبلا حمامه و غار
لو ماجبينك ثمر محد رماك احجار
اربع جهاتك وجه من يا كتر تندار
مثل الشمس مبتسم كل ماتزود النار
وكعو كلهم من العين
وانت العين و انت حسين
انت الباقي بكل وجدان
شفتك انسان و قرآن
قرآن.. قرآن.. قرآن.. قرآن
_____
تعليقات
إرسال تعليق