قصيدة : الآن للدمعة أمر صدر
✒️للشاعر : ايهاب المالكي
📅: ليلة 2 محرم 1445
🕌: قاعة بغداد الكبرى - مكتب السيد الحكيم
الآن .. للدمعه أمر صدر
قد حان .. مأتمها على النحر
گلب يون .. بده الحزن
حسين
▪️▪️▪️▪️▪️
اي يا حارس المصحف
وكت الخدمة من نصطف
چن راحن عبر للطف
حسين
محرم حزنه رباني
نگضيها السنة نتاني
واحد يوصي بالثاني
حسين
مرسوم .. صادر وانتهى الطبع
مختوم .. واموقعينه بالدمع
على الجفن .. بده الحزن
حسين
▪️▪️▪️▪️▪️
نلطم نكسر قفاله
نقسم بالترك خاله
ذاكه الگبرك گباله
حسين
ننظر كل نفس يذبل
لمن ينقره المقتل
نسمع زينب اعله التل
حسين
يا آل .. بيت الخلصوا ذبح
واجبال .. مرفوعه على الرمح
ذبل غصن .. بده الحزن
حسين
▪️▪️▪️▪️▪️
اسمك بالدمه ينخط
عز روحه عليك الشط
ذبحوا حتى المگمط
حسين
عن يا فاجعه نصبرك
عالمسبيه لو نحرك
سيف الشمر بي عطرك
حسين
شنگول .. وانت سيد الألم
مقتول .. بين الطعنه والسهم
عقل يجن .. بده الحزن
حسين
▪️▪️▪️▪️▪️
بالطف محد يرسمك
ياهو اليقبلك يجسمك
چم حافر سحگ جسمك
حسين
رقية اتدورك بخاطر
لكن ظنت مسافر
واشلائك ابكل حافر
حسين
والماي .. ما حرك جرف ابد
وهواي .. ما ثبتوا على الوعد
نجه يظن .. بده الحزن
حسين
▪️▪️▪️▪️▪️
كون نغمض ونگعد
نحمي القاسم امن ينهد
ندخل من علينه يصد
حسين
كون نغطي وجه البر
نلبس لبسة العسكر
نبرز وي علي الاكبر
حسين
ناديت .. وانت حولك المحن
يا ريت .. بينه يرجع الزمن
حرب نشن .. بده الحزن
حسين
▪️▪️▪️▪️▪️
جرحك لوعه نرسمها
زينب وانت مو يمها
محد يعرف ابهمها
حسين
وسفه المارق يذبحك
ويصد للخيم يضحك
والدم يشرق بصبحك
حسين
آلام .. نوصفها اعله منبرك
أيام .. نرثي بيها منحرك
الك نحن .. بده الحزن
حسين
▪️▪️▪️▪️▪️
صورة قاتلك بشعه
كون نسأله ونسمعه
ليش الخنصر يگطعه
حسين
زينب من الك راحت
ملائكة العرش صاحت
من اعمامتك طاحت
حسين
بچفاك .. خاطر فاطمة انصلب
تنعاك .. من تسمع عزه انصب
فگد إبن .. بده الحزن
حسين
▪️▪️▪️▪️▪️
مدة خدمتك تبدي
من المهد الى اللحد
يشهد باچر المهدي
حسين
احنه بسلمك وحربك
نلگه ارواحنه بگربك
خذنه اويه الارث حبك
حسين
الله .. خالقنه الك ذخر
للآه .. واللطمه على الصدر
عظم شأن .. بده الحزن
حسين
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
🔱خدمة محبي باسم الكربلائي 🔱
تعليقات
إرسال تعليق