بندرية نعمة الحسين | الرادود ميرزا حيدر الابراهيمي محرم 1445 هــ - 2023 م (إستوديو)

 

بندرية نعمة الحسين | الرادود ميرزا حيدر الابراهيمي محرم 1445 هــ - 2023 م (إستوديو)

حسين .. عليَّه امْن الله نِعمه
حسين .. عليْه اعيوني تِعمه
حسين .. حسين
ــــــــــــــــــــــــــــــــــ
ألا يا أيّها العالَم .. عليَّه الله ابنِعَم انعَم
و أعز نعمه او أجَل او أعظَم .. إسمها حُسين !

العبِد للنعمه يشكرها .. او وسط گلبه يقدّرها
النِعَم ماضيها حاضرها .. إسمها حُسين


بارِينه .. مغنِينه .. ابحبَّ الگظه عطشان
او لعيونه .. مديونه .. كل ذرَّه بالإمكان

حنَّان .. او ترِسَ دلّالي غِيره
غرگان .. ابعطاياه الچثيره
ما چان .. وجودي ابلايه خَيره

عجيب .. سِتَرني اللي تسلَّب
عجيب .. لچن اِمْحَبْته أعَجبّ
عجيب .. حسين

ــــــــــــــــــــــــــــــــــــــــــــــــــ
الأنامل خمسه بيمينه .. خمس أبحر تروِّينه
اليحبَّه دِنْيِته اْو دِينه .. فضِل يمناهْ

{لَئِن تُعِدًّوا } أنعامه .. فلَن تُحصى يا خِدَّامه
من أجدامي إلى الهامه .. فضِل يمناهْ

سبحانه .. ابقرآنه .. {لئِن شَكَرْتُم } گال
هالنعمه .. للخدِمه .. { لأزيدُكْم } أفضالْ

مديون .. بعد شيَوفِّي ديني
مغبون .. ولَوْ أحرگ سِنيني
ممنون .. قِبَل يلزم يميني

كريم .. وتر لا ثاني منّه
كريم .. عطائه بلايه منّه
كريم .. حسين
ــــــــــــــــــــــــــــــــــــــــــــ
هويته مو هوَى الهَاوي .. ولا حبّيبته حُب غاوي
لچن شفته البدُر ضاوي .. يضوِّي اِسمايْ

بعتله گلبي الضايع .. او لگیته اليشتري البايع
شهاب الله او نجِم ساطع .. يضوِّي اِسمايْ

هاديني .. شاريني .. او فاتحلي يمَّه بابْ
إكرامه .. لخِدَّامه .. ما تنحسب بِحْسابْ

منحور .. ابدمه نحره هِداني
و اينُور .. على گلبي الأناني
مشكور .. من احْساسي اْو لِساني

كسير .. رغم كسره جِبرني
كسير .. او أسُر إخته إسرني
كسير .. حُسين

ــــــــــــــــــــــــــــــــــــــ
[نعمة الحُسين]
ميرزا عادل أشكناني
الكويت
ذو القعدة 1444 هـ

https://t.me/mirza_adel_ashkanani