قصيدة | آه يمحمدأداء | مسلم الوائلي
كلمات | عباس طالب السعيدي
_
حايرة اليله بامان اضعونهه . . آه يمحمد
وزينب ام اخوانها يسمونهه . . آه يمحمد
_
زينب صاحت التمن خل نحسب مصايبنه
صاحن باول الحسبات يحسين بضمايرنه
احنه اهل الضوه المولود من كعبه مشارگنه
ردينه الشمس لليل جي باكت ملامحنه
احنا اهل المحنه وخير هاي الناس من عدنه
والنوگ الحنينه تكول من زينب محنتنه
جم سمه مدنگه اعله باب امتونهه . . آه يمحمد
وزينب ام اخوانهه يسمونهه . . اه يمحمد
_
هلا يالراجب امطهم جثر بالحديث وياي
يل ما ينشبع منك ولكيتك ماي
مابيا لحمل فركاگ يا بعد اختك ورجواي
يل واكف وراي هواي راح اركض وراك هواي
يموجف الاضلوع اهلال ومسوي لخواته فياي
هاك اعيوني عن لا شوف فوگك خيل رايح جاي
جنهه صوت وفنهم ايشوفونه . . آه يمحمد
وزينب ام اخوانها يسمونهه . . آه يمحمد
_
يحسين العمر فانوس وعيون الفجر شبحه
يبره من ضواك الليل اول مايطر صبحه
فطرس والجنح شاهد من شافك دوة لجرحه
يل بگماطك وفطرس بيدك عدلت جنحه
جمل سنين عبدالله بس لا للضمه تلوحه
ترة حتى الهوة جذاب ينگل سهم الايذبحه
لا توخر طولك امن عيونهه . . آه يمحمد
وزينب ام اخوانها يسمونهه . . آه يمحمد
_
يلمعودني اذب الماي وراك شماكلت رايح
ماكتلي شذب يحسين لو شفتك عطش طايح
طولك جمله القران ترتيل ونحو كادح
سورة والفجر وليال عشرة والشف واضح
ميمونك طلع بعجاز على غيض الغدة طافح
مثل ما من صخر طلعت ناكه للنبي صالح
الدمعه غيمه ولوحت بجفونهه . . آه يمحمد
وزينب ام اخوانها يسمونهه . . آه يمحمد
_
باجر من اضيعكم وتجف كصه النخوة
دوارة ماي لسماعيل ادور الصفا والمروة
خوتكم نفس يحنان وانا اتفس الخوة
مو بلكوة روحتكم خلوهه بلامروة
من حسين للعباس اركض وادري مو حلوة
بس الطير الايفرفح جي مذبوح بالكوة
ذبحه طيور السمه ايذبحونهه . .آه يمحمد
وزينب ام اخوانها يسمونهه . . آه يمحمد
_
تعليقات
إرسال تعليق