خلصت يزاير
سيد فاقد الموسوي
خلصت يزاير ايامك الحلوه بشرف خلصت يزاير
لفوا الجوادر امنيتي ما اسمع كضت لفوا الجوادر
الخدمه صارت سمعتي بلا خدمه تخرب كشختي
للبيت ما حب رجعتي ..... خلصت يزاير
طيحت ضلوعي ولا جادر يطيح
كلبي ماينطيني احل حزامي
من اشوف الموكب تفلش اموت
جنه بيتي وفلشوا كدامي
راح ارد من الزياره بكلبي هضمه
مثل اليرد منكسر من دفنة امه
زينب واهلها مايكفي لو اموتن بجي زينب واهلها
محد يفلها فاتحتك بكلب الخدم محد يفلها
مثل اليضل بلايه ام بصدري موكب للهضم
عافيتي كلها باللطم خلصت يزاير
احس روحي مقصر بشيل الغراض
وروحي تطلع من الفن رايتك
كل محرم ناوي بالمجلس اموت
وعمري يخلص جي احب قرايتك
وين اروح بلا مجالس وين اروح
ميت وبس ابمحرم بيه روح
بهاي الايام عايش مدلل بخوتي....بهاي الايام
غربة الشام بلا محرم جني عايش.... غربة الشام
من حكي بالفركه احترک بس عشرة الموكب صدک
خدامك اشبكهم شبک بس باقي باجر....خلصت يزاير
شكد تمر ايام حلوه بالسنين
ماكو مثل حسين حلوه ايامه
حسين يبرد كلبه يوم الاربعين
مدافع الزوار يطفي اخيامه
راح اتانيها بسنه وبشوک عابس
مختنک حد ما اشم عطر المجالس
ما عندي غيرك ابجي عليه يم الخلک.... ماعندي غيرك
آنه اسيرك بحبال حبك للکبر....آنه اسيرك
راح انتظر كلمة هله مثل المضيعينه هله
بس روحي تبقى بكربله تكسر الخاطر....خلصت يزاير
خلصت المشايه وبعينك تشوف
الشوارع كل طعم مابيها
الهوا من باجر تشمه غريب
وكل شي زينب باجر يبجيها
آنه من باجر اتاني الدنيا تظلم
خاف اموت ومايمر بيه محرم
خلصان عمر ي ماشابع بصدري لطم....خلصان عمري
مخنوک صدري من شيلة الموكب بقى....مخنوک صدري
وهاي السنه شلون انتظر للفركه ماعندي صبر
كون اربعينك عمر جن يوم عاشر....خلصت يزاير
قصرت جي راح ارد بعيوني ماي
يمك المفروض اذب عيوني
مثل زينب كون يتفاجأ اخوي
من التعب كون اهلي ميعرفوني
آنه جيت جفوفي لام عباس اذبهن
دللتني وخجلتني وكتلي ضمهن
شلون اعوفك وآنه جايبلك ركبتي....شلون اعوفك
حتى اشوفك مستعد هسه اموتن....حتى اشوفك
مولاي اخذني اعله الرمح اعتبره واجب للذبح
اخجل ارد مامنجرح محسوب ناصر....خلصت يزاير
شلون ابجي بوداعك ياحسين
وانته اغلى من الهوا ما اعوفه
وين اكو مطشر يلم مطشرين؟!
كلب واحد بالضريح نشوفه
عمري خلص وآنه ضال بعازتك
راح ارد ما شابع من زيارتك
انسان ضايع من دونك آنه بلا وطن....انسان ضايع
عشره الاصابع والله استحي لاهلي ارد....عشره الاصابع
وياك ما افك الحزن بعيد الله هم عليك اون
لزيارتك يوميه احن صوت الضماير....خلصت يزاير
الشاعر
حسام الحمزاوي
الرادود
سيد فاقد الموسوي
رحم الله من قرا الفاتحة للمرحوم والدي (ناظم ابو تحسين) والمرحومة الشابة نرجس تحسين
تعليقات
إرسال تعليق