ويلاه ويلاه
،،،،،،،،،،،،،،،،،،،،،،،،،،،،،،،،،
يهلنه شوكت نرتاح حاچونـــه يهلنه
يهلنه الوكـــــت مايرحم بنادم يهلنه
تعبنه وعلي من الدنيا والوادم تعبنه
يهلنه بعدنـــــــه زغار وبسرعه كبرنه
چاليمت بعــــــد نرتاح
تعبنه الوكـــــــت كلش
چنه بعهد ابونه حسين
انام ومن عصر نفرش
يهلنه،، يهلنه
،،،،،،،،،،،،،،،،،،،،،،،،،،،،،،،،،،
خطيه اليشوف وجوهنه يگلنه خطيه
خطيه تعبنــــــه هواي والزهره خطيه
سبيه ام سنه وسنتين ماترهـــم سبيه
خطيه التهضمك كلنــــــه بگصت رقيه
مدري منين اجانه الضيم
زغار وكلشي ماشفنـــــــه
تونه انريــــد عود نعيش
ويمكن ساعــــــه ماعشنه
خطيه،،خطيه
،،،،،،،،،،،،،،،،،،،،،،،،،،،،،،،،،،،،،،،
سوالف الدنيا هواي راوتنـــــه سوالف
سوالف ماتسولف الواحــــــــد سوالف
مواقف نطلع گمنه ونطيـــــح بمواقف
سوالف لهسه اچم گلب من عدها خايف
شنهي اليخطر اعله البال
سواه الوكـــــــــــت بينه
شنهي زغــــار ومشيبين
بالعباس ملينــــــــــــــــه
يهلنه،، يهلنه
،،،،،،،،،،،،،،،،،،،،،،،،،،،،،،،،،،،،،،،،
يبونه شنـــــو الخلاك تنسانـــه يبونه
يبونه الوكـــــــت بجفاك ذلانه يبـونه
ولونـه الشماته گبال خلگ الله ولونـه
سبونه صدگ يحسين ماگتلك سبونه
هاي التفطـــــر الدلال
هاي التقهــــــــر بنادم
زغار وطببونه السوگ
ماترحــــم ترئ العالم
يبونه،، يبونه
،،،،،،،،،،،،،،،،،،،،،،،،،،،،،،،،،،،،،،،
شور گعده، ،،
لسان حال اطفال الحسين ع
،،، الشاعر مصطفئ الصالحي
رحم الله من اهدى ثواب سورة الفاتحة للمرحومة الشابة نرجس تحسين
تعليقات
إرسال تعليق