يا حزن بيه حزن | الملا محمد باقر الخاقاني |كلمات مكتوبة

 

ــــــــــــــــــــــــــــــــــــــــــــــــــــــ
📜 القصيدة: ياحزن بيه حزن
🎤 أداء:محمد باقر الخاقاني
🖋 كلمات:حيدر شايع
ــــــــــــــــــــــــــــــــــــــــــــــــــــــــ
ياحزن بيه حزن
بس انه رايد جرح من گلب شيعتهم
من جون رايد اشب جمرة لمصيبتهم
مو هذا حال العرف قصة غريبتهم
وديني هبة هوا تهب فوگ گبتهم
واحچيني صرخة گلب شاط على غربتهم
وابچيني دمعة هظم ظلت بعتبتهم
يامن يدلي الجرح بيه ويجرني وياه
و يامن يخلي الگلب ما ينزف متاناه
تدري المصايب دوت وبروحي تكتل كتل
شما أكبر اتمنى اظل بعيوني بچية طفل
باوع علي ياحزن واحچيلي كلشي الچان
دليني وين التفت؟!. وما اسمع العطشان
بالصحرة جنحي انكسر شيردني للبستان؟!.
بس هو يا بستان؟؟!..
بستانهم محترگ و مدخنه وروده
و سقايهم عالنهر متگطعه ازنوده
ماي الله كله وگع من صوبوا جوده
وناموا طفلهم ترف.
وگعدوا بذاك الصبح ما عرفوا خدوده!!!.
عطشوا وكلشي يبس
وحفروا الگاع بامل يلگون البرودة
عدهم ظعن منحني
ينوح وعلى المشرعة طيحوا عاموده
ما ندري هذا الظعن؟!..
عالتل صعد ينختي لو جابوا قيوده؟؟!.
هذا الظعن من اجه
ما تنوصف هيبته وعالهزله مردوده!!.
ياحزن شوف الترب
ياهو ذاك الرفع ايده على عياله؟!؟.
يسلم عليهن نوى
وگطعت سلامه ودنت يم صدره خياله
ياحزن ذاك الشهم شو محد بحاله؟؟!.
بجروحه لمن وگع فزعتله بس دمعته
محد بچاله واجه من الترب شاله
مادام گلبه انكسر
لهذا الوجود انكتب كل عمره ينعاله
ياحزن هذا الحزن
ابنيلي خيمة بچي و خل ابچي حالتهم
عالنوگ من غربوا ممنوعه دمعتهم
وعالگاع ظلت رسم شيشيل خطوتهم؟!.
يگعدون من الخجل
ولو وگفوا اتمايلوا مكسورة وگفتهم
انطيني حال السبي
وخليني أجد بالمشي و تحديني خدمتهم
واقبضها بأيدي وابد ما ذبها جمرتهم
اجرحني مو كل جرح
رايد جرح هاشمي من گلب شيعتهم
مو هذا حال العرف قصة غريبتهم!!!.
ــــــــــــــــــــــــــــــــــــــــــــــــــــــــ