زينب ابدرب السبي وشلونها؟
ياعلي ياعلي
ماغفت فوگ الهزيلة عيونها !
ياعلي ياعلي
شافت أُمها اعصروها و تنسطر
و شافتك يابوها راسك منطبُـر
والحسن مسموم وچبده منتثر
وحِدى الحادى الكربلا بظعونها
ياعلي ياعلي
##############
چانـت ابظِـل الكفيل امــعَـزِزَة
نُصَب خيمتها و يسوي المُعجِزة
تالي يمها انحور أهـلـها امحَـزِزَة
وياعجب بنتك علي ايسلبونها!
ياعلي ياعلي
##############
(إنـتَ حلال المشاكل مِن تـضيـج)
(وإنتَ مايبعد عن احصانك طريح)
(إنـتَ حُـكم النار بيدك و الحريج)
وخِيم بِنتَك يالوصي ايحرگونها
ياعلي ياعلي
##############
شلون ترضى على التل الزينــبي
تِصعد و جَرها وضربها الأجنبي
امگيِّدة بالسِّلْسِلة بـدرب السبي
و عالهزيلة يجري دَم امــتونها
ياعلي ياعلي
##############
يا غِـيـاث اِلْيـستـغيثك بالكُـرَب
وكوفتك دِخْلَـتـها بنتك بالطَّــرب
الـناس تـتصدق عليها يا عـجـب
وصاروا ابكل سُخْرِية ايشتمونها
ياعلي ياعلي
##############
و عن دخول الشام وينك يالغيور؟؟
فُرجة صارت في سِكَكْهُم والقصور
و دخلولها على شَـرَّاب الخُــمُــور!
و بالحِبال القاسِــية ايــجــرونها
ياعلي ياعلي
##############
بـالـخـرابة گــعــدوها عالــتُّـراب
وراس أخوها بالطَّشِت يروي العذاب
و ماتـت الطفلة رُقــية و المُــصاب
الـغاسِلـة أزرگ تِـشاهِد لونهـا !
ياعلي ياعلي
##############
اعلوم عنها يــبو الحـملة وِصْلِتك
زينبك رادت تِــشــيِّـع طِــفــلتَـك
ماكِـفاها حــيِّــروها بــعيــلِــتَــك
إحضر إِلْـها لا تِـخَيْبِ اظــنونْـها
ياعلي ياعلي
القصيدة : انت حلال المشاكل
الشاعر : ابو نجم الاحسائي
الرادود : محمد بو جبارة
نسالكم الفاتحة والدعاء للمرحوم والدي
تعليقات
إرسال تعليق