كل خطوه نمشيهه ما نستعز بيهه
هاي السنه لوجه الحسن يا زاير اهديههيستاهل بشاره الما طفت ناره
كلوله عشرين بصفر كل احنه خطاره
وانعكدت النيه للاربعينية
"""""""""""""""""""""""""""""""""""""
تلكه الهلا على لسانه والعمبر بديوانه
وعمامته براسه
ما يكطع الحياكم. وام البنين اوياكم
يستقبل بناسه
هلا هلا هلا هلا
هلا والكهوه فارت
هلا واللكمه صارت
هلا والشيعه ثارت
هلا هلا هلا هلا
هلا بيكم يهلنه
هلا باهل المحنه
هلا وهنانه جنه
هلا هلا هلا هلا
يتلكه بالوادم ويحشم القاسم
بويه على جيس ام الحسن ذاك الضعن قادم
خلوني عل الملكه أستقبل بحركه
بس انت ودعهم لان ما ترحم الفركه
بجدوره حنيه
للاربعينه
"""""""""""""""""""""""""""""""""""""
تتحضر المشايه ونخلي باول رايه
اسم الحسن بيهه
يلتم شملنه بداره كل الدول خطاره
هي وأهاليهه
سوه سوه سوه سوه
سوه من كل حضاره
سوه نحيي الزياره
سوه والكل غياره
سوه سوه سوه سوه
سوه نفس القضيه
سوه ضد ال اميه
سوه يالرافضيه
سوه سوه سوه سوه
السيد القائد بين الخدم كاعد
اهلا وسهلا شرفت يا حضرة الوالد
بس اشر وكافي افرشلك جتافي
ما دام ابو القاسم حضر خلوني متعافي
زاد العشك بيه
للاربعينيه
"""""""""""""""""""""""""""""""""""""
ما ينضلم والشيعه حد النحور اطيعه
اكرم بني هاشم
نتصدر على اعدانه بسم الحسن واخوانه
والمنتضر قادم
صدى صدى صدى صدى
صدى كل الخليقه
صدى صوت الحقيقه
صدى يملئ طريقه
صدى صدى صدى صدى
صدى صرخة مناحر
صدى من المناير
صدى اهلا يزاير
صدى صدى صدى صدى
الانبياء كلهه تتوجه لخلهه
هاي الزياره اصعب لغز يا ناصبي يحلهه
مرخصت الابتر كل الكتب تحضر
كلهم شبير بكربله وبشرهم بشبر
والفزعه شيعيه
للاربعينيه
"""""""""""""""""""""""""""""""""""""
هاي الزياره بكيفه شيخ البقيع وضيفه
يدلل ويامر
يمه العكد محلوله كل البشر مشموله
يستاهل الزاير
مشي مشي مشي مشي
مشي اطهر مسيره
مشي اقدس شعيره
مشي لبن الاميره
مشي مشي مشي مشي
مشي حر وحراير
مشي يحيي الضماير
مشي يشفعلي باجر
مشي مشي مشي مشي
المجتبى اتحضر هو وعلي الاكبر
والليله يوصل حيدره استفسرنه من قمبر
هاي السنه اعجوبه كل خطوه محسوبه
واليمشي زاير مطئمن ينحذفن ذنوبه
والشده مكضيه
للاربعينيه
"""""""""""""""""""""""""""""""""""""
دولة كرم شيعيه جمعتهم الحنيه
والمذهب الواحد
ولد الحسن واتباعه ونتمسك باطباعه
والعالم يشاهد
بده بده بده بده
بده زحف النشامى
بده ثار الامامه
بده صوت الكرامه
بده بده بده بده
بده يلتم شملنه
بده شيعه ويسنه
بده يفرح وطنه
بده بده بده بده
فتوتنه من واحد الانزع القائد
كال المذاهب تختلف بس الخلق واحد
الحاقد اندوسه والصاحب انبوسه
كل الطوائف والملل بالزهره محروسه
ثورة عشك هيه
للاربعينيه
"""""""""""""""""""""""""""""""""""""
الفاتحة لروح المرحومة نرجس تحسين السواد
تعليقات
إرسال تعليق