يالحنان اخذتوا العافيه وياكم يالحنان
حلم جان يكضي بفرحه فركاكم حلم جان
مشيتوا بلايه رجعه عمر خلصته دمعه
ها يالمتعبين روحي شصار بيكم
من امس كلبي لجمني وحن عليكم
كون تنباعون بعيوني اشتريكم
حيل مابيه وللگبور اعتنيكم
يغاليين طولتوها سفرتكم يغالين
ضوه العين يرديلي من اشوفنكم ضوه العين
بدربكم صرت شمعه عمر خلصته دمعه

رايحين وكلشي ضل وحشه وراكم
كون اخذني الموت ياربعي الخذاكم
صبر ماضل خاطر اتحمل جفاكم
كلبي بيكم باقي ينبض مانساكم
ترجعون حلم عيوني ياربعي ترجعون
والعيون عمن من خلصن دمعي والعيون
انه البالنجف ربعه عمر خلصته دمعه

شرد اجاوب عليكم لو يسالوني
عزازي اكلهم راحو وجنهم نسوني
من يسالوني عليكم يلجموني
ارد اصبر روحي بس تدمع عيوني
يالاحباب ارجعوا الخاطر العشره يالاحباب
بالاتراب منو مثلي دفن عمره بالاتراب
هجركم مااجرعه عمر خلصته دمعه

جنه بالمجلس خدم يامحلا اسمنه
من يمر طاري العليله يصب دمعنه
هنا بجينه هنا لطمنه هنا كعدنه
بهذا موكبنه لبو اليمه خدمنه
تلطمون السنه بالجنه مجلسكم تلطمون
تخلون السما تسمعهه ونتكم تخلون
الطم ينكسر ضلعه عمر خلصته دمعه

سوا جنه نمشي للحركةا خيامه
للي ماينحسبن بصدره سهامه
رحتوا عنه وما اجيتونه بسلامه
الموت خلانه بعدكم جن يتامه
بعد وين نشوف عيونيكم صعبه بعد وين
للحسين كل واحد نذر تعبه للحسين
تغير حيل وضعه عمر خلصته دمعه

الفاتحة الروح (خالي ابو محمد الساعدي) عفيه لفته جبر شاهين
الرادود مهدي البزوني
الشاعر حازم البزوني
قصيدة اعزاز كلبي
تعليقات
إرسال تعليق