ماتوكف الرايه | باسم الكربلائي | كلمات مكتوبة
ما توكف الرايه كل عام مشايه
__________
لازم تشدون الحيل وكت المشي قادم
طلعو ركض يا زوار ويراقب القائم
يفرح يشوفك عباس بيدك علم لازم
كلنه سوه بهذا اليوم نكسب رضا فاطم
طف كربله الغايه كل عام مشايه
—————
امن البصره تطلع افواج تبدي انطلاقتنه
من كل كتر مختلفين والزهره جمعتنه
بيا موكب تصير نشوف هالعام وكفتنه
ويالثارات حسين كل خطوه صرختنه
امن اولايه لولايه كل عام مشايه
——-
لو نمشي باجر عالنار يستاهل الغالي
هذا حسين الزهراء عالي ابن عالي
شيحجون خلهم يحجون ما رايح نبالي
كلمن تساله ايحاجيك بس كربله ابالي
للموت وفايه كل عام مشايه
———
بكل فرسخ بهاي الكاع النه تضل خطوه
وحسين اغله من الروح كل التعب يسوه
بالدنيا مر كلشي يصير بس خدمته حلوه
يدرون بينه شما صار نمشي اله كوه
ما نخلف حجايه كل عام مشايه
———
موعدنه عزانه يحسين من نوصل اترابك
سجدة شكر يا مولاي نسجد على بابك
نلزم بدينه البيبان ونقبل اعتابك
وندخل ضريحك ونصيح ويلاه عله امصابك
وبصحنك اقرايه كل عام مشايه
——-
نسمع دعاء الموعود يحفظم الباري
يوم الظهور انتو اوياي من اطلب ثاري
والله يزوار حسين بس انتم انصاري
يهل المواكب للدوم تحرسكم انظاري
وتترتل الايه كل عام مشايه
——-
أبو يحيى المسعراوي
نسألكم الفاتحة والدعاء لروح المرحومة
الشابة نرجس تحسين
تعليقات
إرسال تعليق