قصيدة : الوحیده
ملا جلیل الکربلائي
الشاعر : حسام الحمزاوي
زينب بعاز ة گمر تعال تعال
ما يفارگها السهر تعال تعال
والله كسره من اريدك
تسمع وما ترفع ايدك
ارد اشوفن حاضر وياي
لو طحت من دم وريدك
وين اشوفك يا العفتني
اختك انا وضيعتني
تغيرت مو ذيچه زينب
تموت خويه لو شفتني
تمنيتك تشوف اختك حرگ خيمه بديها
عليه الحگ يا ابو فاضل مره وعسكر عليها
ولا گطرة بچي بعيني العطش ما خله بیها
بحلات اخوانها الاخت رحت من ايدي رحت
ياخويه بچفك طحت هضيمه
اجيتك گلبي نچوه بفرگتك ماشم هوه
رحت من عيني ضوه هضیمه
يا گمر بس ارد اشوفك
گلبي ما ينطيني اعوفك
من تجي ابالي المحنه
تعرض بعيني چفوفك
الدنيا ما ترحم وحيده
الظهره خالي ما تريده
واليعرفونه الشماته
على الدمع تتعود ايده
يجي الليل وعلي تهجم عشرتك ذكرى ذكرى
بعد شلي بعمر خلص عليك بعين حمره
ولا اصدگ مثل غصن الشجر گلبي تكسره
ليالي الجيتك اعد دخيلك مات الورد
حلم لولحظه ترد عليه
اميره بجالك رحت رمح وياك رجعت
بديه لمن متت بدیه
فرگتك يا اخويا صدمه
مروتك محتاجه كلمه
بداعت الخوه نخيتك
لا تردني الدنيا ظلمه
گالت الچانت قويه
سبحه ما تثبت بديه
لا گبل ما توصل النار
خيمتي طاحت عليه
اثاریها الاخت توگع اذا فارگها اخوها
وره فراگك شكو كلمه تمس گلبي حچوها
وره فراگك يا اخويه اختك صدگ وليه ولوها
كسرتي مو بالخيم كسرت بعينك سهم
لصدرك حافر رسم زماني
اذكرك لوطر صبح اجيت بلاي جرح
رجعت وياي برمح عماني
نسٱلکم الفاتحة والدعاء للمرحومة نرجس تحسين
تعليقات
إرسال تعليق