كلمات قصيدة ليل الضمه للرادود احمد الفتلاوي مكتوبة

الليله يازينب ضمه وخوف وصبر
حدج ويه حسين باجر للعصر
من يجيج الخيمتج خالي المهر
على التل ابن امج اطلعيله
انتي يازينب الليله اتودعين
هاي اخر ليله من عمر الحسين
باجر انتي على التل وهو وين
مخضب وبعيونج تباريله
باجر من تصبحين اعله الدمع
باجر تلمين منه ياضلع
حتى اصبعه حسين باجر ينكطع
والعدو يهشم ضلوعه بخيله
عين ابو فاضل الليله عالخيم
اويه الظهر باجر يطفيها السهم
ودعيه الليله بدموع الالم
بعد للمشرعه متروحيله
انتي يا ام الطفل يامرضعه
الليله صدرج للرضيع يودعه
باجر الطفلج ابوه يطلعه
سهم نحره بدالج يناغيله
يارقيه الليله انتي بخيمته
وبالوداع تقبلين بجبهته
باجر ومن ينذبح ياطفلته
مسلبه للمذبح تركضيله
الشاعر صباح امين
https://t.me/tahseen_alswad
#احمد_الفتلاوي #موشح_نجفي #محرم١٤٤٨ #النجف_الاشرف
#قصائد_حسينية_مكتوبة